Hamiləlik bir çox təzadlı duyğular oyada bilər. Sizin daxilinizdə canlanmağa başlayan yeni həyat böyük səadətdir, ancaq elə günlər olacaq ki, bədəninizdəki dartınmalar, böyüyən qarnınız və belinizin incəliyinin itməsi sizin qanınızı qaraldacaq. Hətta belə bir ifadə var - «hamilələrin malxülyası». Əmin ola bilərsiniz, hamiləliyin ikinci trimestrində bədəninizin ölçülərinin artmasını daha rahat qəbul edəcəksiniz. Bu ona görədir ki, artıq həmin dövrdə hamiləlik gercəkliyə çevriləcək! Anaların əksəriyyəti hamiləliyin əvvəlini ən çətin dövr hesab edir, çünki bu dövrdə sizə elə gəlir ki, sadəcə olaraq çəki toplayırsınız.
Hamiləlik zamanı baş verən fiziki dəyişikliklər, təbii ki, bəzən hamiləliyə qədərki bədən formanızı «geri qaytarmaq» arzusu yaradır. Ancaq gözəllik nöqteyi-nəzərindən hamiləliyin öz müsbət ccəhətləri var, bunlar sizi daha cazibədar edə bilər.