Bəli, hamiləlik zamanı üzdə və ya bədəndə tüklərin daha tez çıxması müşahidə oluna bilər. Bu, androgen adlanan hormon səviyyəsinin artması ilə izah oluna bilər. «Artıq» tükləri təhlükəsiz üsulla - pinset, ülgüc və ya mum epillyasiyası ilə təmizləmək olar. Belə tüklərin təmizlənməsi üçün kimyəvi vasitələr və ya rəngsizləşdirmə tətbiq etməmək daha yaxşı olar, çünki bunlar qana keçə bilər.
Tüklərin permanent təmizlənməsi metodları (məsələn, lazer epillyasiyası) da həmçinin təhlükəsiz sayılır. Ancaq hamiləlik zamanı, hər halda, ehtiyatlı olmaq və bunlardan istifadə etməmək məsləhətdir. Bundan əlavə, hamiləlik zamanı dərinin piqmentasiyasında dəyişikliklər yaradan hormonlar bu kosmetik prosedurlardan sonra dərinin tündləşməsinə də səbəb ola bilər. Bu artıq tüklərin əksəriyyəti uşaq doğulduqdan 3-6 ay sonra tökülməyə başlayacaq.