Üzünüzün dərisində nəzərinizə dəyən qan damarları, çox güman ki, retikulyar  (hörümçəkvari) venalardır.  Hörümçəkvari venalar  çox zaman hamiləlik dövründə, xüsusən də birinci və ikinci trimestrlərdə yaranır. Onların  yaranması estrogen hormonunun yüksək səviyyəsi ilə bağlıdır.

Hörümçəkvari venalara, adətən, üzdə (gözlərin altında və almacıq sümüklərində)  təsadüf edilir. Onların yayıldığı digər yerlər boyun, sinə, əllər, çiyinlər və qulaq seyvanlarıdır. Venaların vəziyyəti çox zaman doğuşdan 6-7 ay sonra keçir.  Hələlik isə bunları kosmetika ilə gizlətmək olar. 

Dərinin və saçların vəziyyətinin yaxşılaşması üçün doğuşdan sonra bir qədər vaxt keçməlidir. Səbirli olun: hormonların  səviyyəsi normallaşacaq və sizin orqanizminiz tədricən hamiləliyə qədərki vəziyyətinə qayıdacaq.