Elektriklənən saçlar Saçlarınızdakı nəm azalıb çox quruduğundan elektriklənə bilər. Həm saçlarınızı yatırmaq həm də nəmləndirmək üçün bir neçə damla badam yağına ehtiyacınız var! Badam yağını ovucunuzun içinə alın və ovuştuşduraraq hər tərəfə bərabər sürtün. Əllərinizi saç uclarınıza xüsusilə çəkin. Anında saçınızın rənginin parladığını, elektriklənmənin aradan qaldırıldığını görəcəksiniz.
Saç tökülməsi Hamiləlikdə və əmizdirmə dövründə saç tökülməsi yaşaya bilərsiniz, təlaşlanmayın! Həkiminizdən vitamin və mineral dəstəyi alın. Saçlarınız yenidən çıxacaq,gurlaşacaq.
Dalğalı saçlar Təbii dalğalı saçlarınız hamiləlik əsnasında forma verə bilmirsinixsə gecə yatmazdan əvvəl saçlarınızı 3 ya da 4 hissəyə ayırıb hörün. Səhər oyandığınızda saçlarınızı açıb bir az köpük çəkərək saçlarınızı formaya salın.
Düz saçlar Düz saçlarınız əvvəlki kimi hamar görünmürsə istiliyə qarşı qoruyucu saç baxım məhsulunu saçınıza tətbiq etdikdən sonra çox sıx olmamaq şərtiylə saç düzləşdirici alət istifadə edərək forma verə bilərsiniz.