Hamilələr payız yorğunluğundan bu cür qurtulun

Müəllif: Antikvar
Şərhlər: 2
Baxılıb: 1 635
Səs ver:
(səs: 0)
Payızın gəlişi ilə havalar gündən-günə soyuyur. Hamilələr isə mövsüm dəyişikliklərindən daha çox təsirlənirlər. Türkiyəli qadın xəstəlikləri mütəxəssisi Koray Altunay bu keçid dövründə hamilələrin depressiya və digər xəstəliklərə qarşı diqqətli olmasını vacib hesab edir. Həkimin hamilələrə bir neçə məsləhətini təqdim edirik.

Mövsüm keçidlərində yorğunluq artır
Mövsüm dəyişiklikləri depressiya ilə yanaşı bədəndə bir çox dəyişikliklərə də səbəb olur. Bu dəyişikliklər hamilə qadınlarda daha diqqətə çarpan formada özünü göstərir. Buna görə də hamilələr mövsüm keçidlərində digər insanlara nisbətən iki qat daha çox yorğunluq hiss edirlər. Halsızlıq, istəksizlik, əsəbilik yaranır. Bu dövrdə yataqdan qalxmaq və gündəlik işləri görmək daha da çətinləşir: “Mövsüm keçidləri demək olar ki, hər kəs üçün həddindən artıq yorğunluq hissi deməkdir. Hamiləlik hormonlarının təsiri altında olan qadın isə içinə girdiyi yeni prosesin psixoloji təsirləriylə birlikdə özünü normaldan daha çox halsız, istəksiz, bəlkə də əsəbi hiss edə bilər. Bu dövrdə hamilələrin hiss etdiyi həddindən artıq yorğunluq əsasən hormonlardan qaynaqlanır. Bununla yanaşı, qansızlıq, tiroid hormon çatışmazlığı kimi xəstəliklərin olması bu prosesi bir az daha ağırlaşdırır”.

Hormonal dəyişikliklər qıcıqlandırıcı olur
Hamiləlikdən qaynaqlanan yorğunluqla payız yorğunluğu bir-birindən tamamilə ayrı hallar deyil. Bu dövrdə progesteron hormonu hamilənin bir az daha kədərli olmasına, hətta özünü bədbəxt hiss etməsinə səbəb olur: “Bədəndə su çoxalır, bağırsaq hərəkətləri yavaşlayır, əl və ayaqlarda şişlik yaranır. Payız yorğunluğu ilə yanaşı hamiləliyin qadına verdiyi stress, uşağın sağlam olub-olmamaq narahatlığı, həm işləyən, həm də evdar hamilələrin xərclədiyi enerji, insanın bazal metabolizmasının artması kimi faktorların də təsirli olduğunu unutmayın”.

Həkim payız yorğunluğundan xilas olmaq üçün bəzi məsləhətlər verib. Mütəxəssisin sözlərinə görə, həyat şərtləri nə qədər yaxşı və təbiiliyə yaxın olarsa, hamilələr mövsüm dəyişikliyini bir o qədər asan yaşayar.

Payız yorğunluğunu daha rahat keçirmək üçün:
* Daha sakit bir həyat seçin

* Ekologiya, ev və iş yerində yaşanan çətinlikləri azaldın

* Gün ərzində işləri daha az planlaşdırın

* Səhər və axşam 30-40 dəqiqə təmiz havada piyada gəzin, yoqa, pilates kimi bədəni və ruhu stressdən uzaqlaşdıran məşqlər edin

* Sağlamlıq problemi və ya hər hansı bir maneə yaradacaq ünsür yoxdursa, qısa müddətli tətillərə çıxmaq məsləhətdir
(səs: 0)
Şərhlər: 2
Baxılıb: 1 635
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri