Hamilə qadın sükan arxasında

Müəllif: YalniZ-ArZu
Şərhlər: 6
Baxılıb: 2 044
Səs ver:
(səs: 0)
Hamiləlik dövrü başlayanda qadının həyatında demək olar ki, hər şey dəyişir. İndi gələcək ana üçün əvvəllər təbii olan və heç bir narahatlıq doğurmayan şeylər haqqında kifayət qədər geniş suallar yaranır. Məsələn, mövcud vəziyyətdə avtomobil sürmək olarmı? Yolda özünün və körpəsinin təhlükəsizliyini necə təmin edə bilər? Sürücü hamilə qadınlar nəyi yadda saxlamalıdırlar? Artıq o tək deyil. 40 həftədən sonra bətnindəki körpə müstəqil bir şəxsiyyət olacaq.

Hamilə qadın özünü sükan arxasında necə hiss edir?
Müsahibimiz Elnarənin cavabı belə oldu: “Hamilə olduğum müddətdə rahat formada avtomobil idarə edirdim. Heç bir problemlə rastlaşmamışdım. Lakin 8-ci aydan sonra maşına minmək və düşmək müəyyən qədər çətinlik yaradırdı. Bundan başqa, etiraf edim ki, “Doğum evinə də öz maşınında gedəcəksən?” tipli suallar bir az da utandırırdı. Amma hamının qayğıma qalması və şıltaqlıqlarıma dözməyi çox xoş idi. Demək istərdim ki, bütün bu müddət ərzində sükan arxasında mən özümü tamamilə rahat və təhlükəsiz hiss etmişəm. Əslində olar, ya olmaz, bilmirəm, amma əsas odur ki, heç bir yan təsiri olmamışdı”.

Belə ki, bu sahə üzrə mütəxəssislərin - ginekoloqların fikri də üst-üstə düşdü - əgər ana özünü tam rahat hiss edirsə və sürücülük keyfiyyəti tam formadadırsa, niyə də yox?
Ginekoloq və endokrinoloq Xatirə xanım hamiləlik problemli deyilsə, qadınların avtomobil idarə etməsində heç bir yan təsirin olmadığını söylədi: “Belə vəziyyətdə hamilə qadın təhlükəsizlik qaydalarına riayət etmək şərti ilə avtomobil idarə edə bilər. Əgər siz hamilə olarkən avtomobil idarə etməyi yeni-yeni öyrənirsinizsə, bu heç də uyğun zaman deyil.

Birincisi, yeni başlayan sürücülərdə yol-nəqliyyat hadisəsinə düşmək riski daha çoxdur, hansı ki, hamilələr üçün nəinki, arzuolunmazdır, həm də çox təhlükəlidir. Yeri gəlmişkən, avtomobil idarəsi üzrə hamiləliyin dövrlərinə müddət qoyulmur. Burada yalnız özünüzü necə hiss etdiyinizə fikir verməlisiniz və sözsüz ki, ginekoloqunuzun məsləhətlərini dinləməlisiniz. Əgər sizdə erkən və ya gec toksikoz, qan azlığı, uşağın düşmə təhlükəsi, qıcolmalar və ya sağlamlıqla bağlı hansısa problemlər varsa, sözsüz, nə özünüzü, nə də körpənizi təhlükə altında qoymamağınız yaxşı olardı. Hamiləlik problemsiz keçsə də, bu vəziyyətinizlə bağlı yolda baş verə biləcək bir sıra vəziyyətləri də nəzərinizdən çıxarmamağınız lazımdır.

Unutmayın ki, hamiləlik vaxtı yuxululuq, yorğunluq hissi və diqqətin dağınıqlığı tez-tez rast gəlinən hallardır. Sürət rejimlərini yoxlayın, yoxlanılmış marşrut xətlərindən istifadə edin, uzun məsafəyə gedən zaman arada yolda dayanın və fasilə edin.

İkincisi, əyləşdiyiniz oturacağın tam rahat olmasına diqqət yetirin. Altınıza balaca yastıq qoymağınız məsləhətdir. Oturacağın söykənəcəyini bir az arxaya itələyin ki, sükanla sizin aranızda 10-15 sm məsafə yaransın.

Bundan əlavə, təhlükəsizlik kəmərinə xüsusi diqqət yetirmək lazımdır. Onun öz əsas funksiyasını – təhlükəsizliyi təmin etməsi üçün düz bağlamaq lazımdır. Kəmər qarının altından və üstündən keçməlidir. Üzərindən keçməsinə əsla yol verməyin. Gələcək analar üçün xüsusi kəmər də əldə etmək olar. O, kifayət qədər rahatdır və zərbələrdən yaxşı müdafiə edir. Belə kəmərin əsas fərqi ondan ibarətdir ki, 4 yerdən bərkidilir və elastikdir. Yeri gəlmişkən bu kəmərdən sərnişin oturacaqlarında da istifadə edə bilərsiniz. Mütləq avtomobilinizdə tibbi dərman qutusu olmalıdır. Unutmayın ki, hamiləlik dövründə hər dərmandan istifadə etməyə də icazə verilmir.

Fövqəladə hallar üçün əlinizin altında naşatır spirti, steril bint və pambıq, yod, zelyonka və bu tip hallar üçün həkiminiz əvvəlcədən məsləhət verdiyi dərmanlar olmalıdır.
Yola çıxarkən özünüzlə içməli su, şirə, qoz, peçenye və s. götürün. Mobil telefon götürməyiniz isə mütləqdir! Avtomobil idarə edən zaman stresdən qaçın. Əgər özünüzü narahat hiss edirsinizsə, maşını saxlayan və tam formada hazır olana kimi dincəlin”.
Sizə rahat və maraqlı yollar arzulayırıq və müəyyən qədər də pozitiv həyat!
(səs: 0)
Şərhlər: 6
Baxılıb: 2 044
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri