Süni süd qarışığını hazırlamaq üçün yalnız keyfiyyətli sudan (arzuolunan
su – uşaqlar üçün olan xüsusi sudur, təzə olması üçün hər gün təzə
butulka açılmalıdır) istifadə etmək lazımdır.
Suyu mütləq qaynadın. Uşaq suyu olmadıqda, mənzillərimizə verilən adi
suyu, bulaq suyunu istifadə etmək olar. Süd qarışığını hazırlamaq üçün
mineral sulardan, çaydanda uzun müddət ərzində qalan sudan istifadə
etmək olmaz.
Əvvəlki süni süd qarışıqları qaynadılırdı. Müasir süni süd qarışıqları isə sadəcə olaraq suda həll etmək lazımdır.
Süd qarışığını hazırlayarkən müəyyən olunmuş dozalara tam ciddi şəkildə
əməl etmək lazımdır!Süd qarışığının miqdarı artıq götürülmüş olarsa,
uşaq onun üçün nəzərdə tutulmuş dozadan artıq miqdarda qida maddələri
almış olacaqdır ki, bunun da nəticəsində, onda, həzm pozulmasının
müxtəlif əlamətləri (həddindən artıq gəyirmə, qusma, nəcis ifrazının
pozulması, qida allergiyası, bədən çəkisinin normadan artıq artması) baş
verə bilər. Quru südün miqdarı normadan az götürüldükdə isə, əksinə,
uşaq, ona lazım olan zülalları, yağları və karbohidratları normadan az
miqdarda alacaq ki, bu da onun inkişafına mənfi təsir edəcək.
Uşağın süni şəkildə qidalandırılması üçün nəzərdə tutulan süd qarışıqlarının əksəriyyəti (hamısı yox!) bu cür hazırlanır: 1. Süd qarışığını hazırlamaqdan əvvəl əlləri sabunla yumaq lazımdır.
2. Təmiz butılkanın və əmziyin
(onları uşağın qidalandırılmasından bilavasitə sonra yumaq lazımdır)
üzərinə qaynar su tökməklə onları bir daha yaxalayın və ya
qidalandırılmadan bilavasitə əvvəl 5 dəqiqə ərzində suda qaynadın.
3. Təzə qaynadılmış su (uzun
müddət çaydanda qalan su yox!) 50-60°C-dək soyudulur (temperaturu bundan
artıq etmək olmaz, çünki bu zaman südün tərkibində olan
bifidobakteriyalar məhv olur, bəzi vitaminlər isə parçalanırlar).
4. Sonra suyu (onun miqdarı süd
qarışığının hazırlanması üzrə olan təlimatda göstərilir) uşağın
qidalandırılması üçün nəzərdə tutulan butulkaya tökərək üzərinə dəqiq
şəkildə müəyyən olunmuş miqdarda (adətən, qutuya əlavə olunan ölçü
qaşıqları ilə müəyyən olunur) süni süd qarışığı əlavə olunur.
5. Süni süd qaşığın kənarları
ilə eyni səviyyədə olmaqla (bu, çox vacibdir!) ölçülür. Bunun üçün, ölçü
qaşığına süd qarışığını yığdıqdan sonra onun səthində olan artıq
miqdarı bıçağın kənarı ilə düzləndirirlər.
6. Daha sonra butulkanı
bağlayaraq onu, həmcins maye alınana qədər yaxşı-yaxşı çalxalamaq
lazımdır (içərisində kiçik-kiçik, tam şəkildə həll olmamış quru süd
topaları qalmamalıdır – bunu yoxlamaq üçün, butulkanı işığa tutub baxmaq
olar).
Sonra butulkanı çalxalamadan onu "başıaşağı” saxlayın. Bu zaman süd, ilk
əvvəl, butulkanın əmziyindən nazik şırnaqla, daha sonra isə saniyədə
bir damcı olmaqla axmalıdır.
7. Hazırlanan qarışığın
temperaturunu yoxlamaq üçün, butulkadakı süd qarışığından, ya biləyin və
ya dirsək büküşünün ön səthinə (ən hissiyyatlı sahələr) 1 neçə damcı
damızdırmaq lazımdır. Südün uşaq üçün normal hesab edilən temperaturu ya
bədən temperaturu, ya da ondan çox cüzi dərəcədə isti olmalıdır, yəni
dəri üzərində damızdırılarkən südün istiliyi, praktik olaraq, hiss
olunmamalıdır.
Süd qarışığını yedizdirilmədən bilavasitə qabaq hazırlamaq lazımdır.
Uşaq üçün ehtiyat süd qarışığının öncədən hazırlanmasının mümkün
olub-olmaması istehsal qutusunun üzərində qeyd edilir.