- Səslərlə, mimikalara reaksiya verər, ətrafla əlaqəsi inkişaf edər. Daha az ağlayar.
- Yalnız tək qalsa etiraz edər. Çoxluq içində olmaq istəyər.
- Fərqli rəng və oyuncaqlardan xoşlanar.
- toxunduğu nə varsa onlardan bir neçə saniyə tutaraq qala bilər.
- Yavaş hərəkət edən obyekti bir tərəfdən digər tərəfə qədər izləyə bilər.
- Başını obyekti görə bilmək üçün çevirər.
- Üzüstə yatarkən dirsəklərə dəstək olaraq başını qaldıra bilər.
Dəyişikliklər
- Başına və gövdəsinə daha yaxşı nəzarət edər.
- Hərəkətləri daha inkişaf etmiş olar. Hər şeyi tutar və əmmək üçün ağzına aparar.
- Əl və barmaqları ilə məşğul olar, uzun müddət onlara baxar. Əlini istifadə etməyi öyrənər, obyektə uzadar.
- Görməsi az qala tamdır. Obyektləri bütün detalları ilə görər.
- Yuxu, oyanıqlıq və yemə nizamı daha aydın olar.
Oyunlar
- Körpənizlə oynayarkən birbaşa ona baxın.
- Bir çox müxtəlif obyekt göstərin. Bunun üçün parlaq rəngli, dinləməsi, toxunması, izləməsi maraqlı olan amma ağzına apardığında udma riski olmayacaq qədər böyük oyuncaqlar seçin. Tutması üçün onu cəsarətləndirin.
- Əlinə kiçik bir zınqırov verib, onunla necə səs çıxaracağını, yelləməyi öyrədin.
- Tez-tez qucağınıza alıb , ətrafı fərqli bir baxımdan görməsini təmin edin.
- Onun etdiklərindən məmnun olduğunuzu göstərin, onu sevərək oxşayın, tez-tez adını söyləyin.
- Körpənizə mahnı oxuyub, onunla rəqs edin. Ona maraq və sevginizi təqdim edin.
Qidalanma
- Hələ yalnız ana südü və ya əlavə yeməklə doyurun.
- Südünüzü zəruri hallarda verilmək üzrə yığıb saxlaya bilərsiniz. Soyuducuda 24 saat, dərin dondurucuda 8 həftə saxlaya bilərsiniz.
- Həkiminiz məsləhət görməyincə qatı qidalara başlamayın.
- Istirahətə, balanslı qidalanmağa və kifayət qədər maye almağa diqqət yetirin.
Qulluq
- Kiçik oyuncaqları körpənizdən uzaq tutun.
- Körpəniz kiçik bir səbətdə yatırsa, ona körpə uşaq çarpayısı almağı planlayın. Xüsusilə barmaqlıqların arasının, sıxışmayacağı qədər dar olmasına, yüksəkliyin düşməyəcəyi ölçüdə olmasına diqqət yetirin.
- İşinizlə bağlı uşağı gəzintiyəçıxara bilmirsinizsə, etibarlı bir körpə baxıcısı araşdırın.
-Körpənizi peyvənd üçün həkiminə aparın.