O,
həzm sisteminin işini asanlaşdırır, üstəlik meyvə ilə qarışdırılmış
(meyvəsiz yoqurt da hazırlamaq olar) süd məhsulu kimi
vitaminlərlə–kalsiumla, zülalla zəngindir. Yoqurt sümükləri, immuniteti
möhkəmləndirir.
Ancaq
satışda olan ən etibarlı yoqurtlar belə bəzən əsaslı şübhələrimizə
səbəb olur. Ən çox reklam olunan, əminliklə təriflənən yoqurtlar barədə
bizi təşvişə salan məqalələr oxuyuruq. Ən yaxşısı uşaqlara özümüzün
hazırladığımız yoqurtları verməkdir.
Yoqurt hazırlamaq çətin iş deyil.
Bunun
üçün bir neçə qaşıq süzmə qatığı azacıq su ilə qatırıq (adi qatıq da
olar, bu halda suya ehtiyac yoxdur). Bir çay qaşığı şəkər tozu, bir az
da meyvə lazımdır. Mövsümdən, uşağın səhhətindən və zövqündən asılı
olaraq, bir və ya bir neçə meyvədən istifadə etmək olar. Meyvəni
sürtgəcdən keçirib, qatığa əlavə edin. Rəngli olmağını istəyirsinizsə,
yoqurta nar sıxın və ya qırmızı meyvə mürəbbəsinin suyundan bir çay
qaşığı əlavə edin. Yoqurt hazırdır.
Yoqurta çörək və ya suxarı da əzmək olar.
Uşaq böyüyəndən sonra yoqurtun meyvəsini sadəcə əzə və ya doğraya bilərsiniz.
Süd məhsulu olduğu üçün yoqurt otaq temperaturunda çox saxlamaq olmaz.