Uşaqların kompüter və internet istifadəsi çox müzakirə edilən məsələdir. Fiziki və duyğusal inkişafa təsir edib etmədiyi, internet və kompüterdən istifadə yaşı, oyunların ortaya çıxardığı psixoloji təsirlər bu məsələlərdən bəziləridir. Mütəxəssislər internet və kompüterdə oynanılan şiddət, qəzəb, cinsəllik, rəqabət məzmunlu oyunların uşaqları şiddətə yönəltdiyini deyirlər.
 
Araşdırmalar göstərib ki, kompüter və internet istifadəsi qapalı və özünəgüvəni olmayan insanlarda daha çoxdur. Uşaqlarda da virtual dostlar və oyunlardakı mükafatları onlarda olan boşluqları doldurmuş olur.
 
Uşaqlara necə kömək edə bilərsiz?
- Uşağa hər zaman ilk öncə siz nümunə olun. Bunu unutmayın.
 
- Qısa müddətli, məhsuldar şəkildə və lazım olduğunda bağlayıb kənara qoya bildiyiniz bir internet vərdişiniz varsa, bununla artıq uşağa nümunə olmuş olursuz.
 
- Məktəbə qədər uşaqların internet istifadə etməsinə ehtiyac yoxdur.
 
- Məktəb öncəsi kompüter və internetin fayda və zərərləri, ordan əldə edə biləcəyi məlumatların hər zaman doğru ola bilməyəcəyini, gərəkdiyində istədiyini sizdən soruşa biləcəyini deməlisiz. Yaş irəlilədikcə uşağın ehtiyaclarına uyğun internet istifadə qaydaları qoya bilərsiz.
 
- İnternet istifadəsində zaman qadağası, nümunə olmaq, uşağı motivə etmək üçün mükafat-cəza sistemi tətbiq edilə bilər.
 
- Uşağın bütün boş vaxtını kompüter qarşısında keçirməməsi üçün idman, musiqi kimi sahələrə qoyun. Ailə gəzintilərinə çıxarın, fərqli hobbiləri olsun, ailə daxilində məsuliyyətlər verin.
 
- İnternetdə deyil, real həyatda dostlar qura bilməsi üçün şərait yaradın.