Hamiləlik zamanı və doğuşdan sonra uşağın qidalanması baxımından ana südü olduqca vacibdir.Hamilə analar elə hamiləlik dövründən öz qida rasionlarına diqqətlə yanaşmağa çalışırlar ki, öz gələcəkdə doğulacaq körpələri sağlam olsun.Lakin, bir sıra durumlar vardır ki, bunlar da anaları qorxudur.Anaları qorxudan səbəblərdən biri də bunlardır - " görəsən körpəmi yedirmək üçün südüm kifayət qədər olacaqmı?, körpəm mənim südümlə doyarmı?, mənim qidalanmağım körpəmə necə təsir edər? ..." və s.

Bütün bu narahatlıqlara aydınlıq gətirməyə çalışaq.Əvvəla, qeyd etmək lazımdır ki, südün bol və faydalı olması üçün çox yemək yox, sağlam şəkildə qədərində qidalanmaq kifayətdir.

Əmizdirən anaların bir çoxları düşünür ki, südün çox gəlməsi üçün onlar da çox yeməlidirlər.Lakin, çox yemək əvəzinə, heyva, soğan, cəfəri, portağal və yaşıl bibər kimi təzə meyvə və tərəvəzlərdən istifadə etsələr bu daha məqsədəuyğun olar.Südün çox gəlməsini istəyən analar gün ərzində 3 litrə yaxın su içməlidirlər.Maye ehtiyacınızı ayran, kompot və s. kimi mayelərlə qarşılaya bilərsiniz.

Ananın yedikləri nə zaman südə qarışır?
Əmizdirən anaların yedikləri 12 saat ərzində qana yayılıb südə keçir.Odur ki, körpənizi sağlam və düzgün şəkildə əmizdirərək südün də kifayət qədər olmasını istəyirsinizsə, qida razionunuza diqqət yetirməli və bol maye qəbul etməlisiniz.