Uşaqlarda burundan qan gələndə nə etmək lazımdır?

Müəllif: Diablo
Şərhlər: 1
Baxılıb: 564
Səs ver:
(səs: 1)
Uşaqlarda ən çox baş verən narahatlıqlardan biri də burun qanamasıdır. Azyaşlılarda bütün yaş dövrlərində bu problemə rast gəlinir. Burun qanaması hansı hallarda yaranır?

Belə bir hal olanda hansı tədbirlər görülməlidir? İlkin tibbi yardım necə olmalıdır. Bununla bağlı "Erkən Uşaqlıq Dövründə İnkişaf" layihəsinin (UNICEF və Heydər Əliyev Fondunun Regional İnkişaf İctimai Birliyinin birgə icra etdiyi layihə) məqaləsini təqdim edir:

Uşaqda burun qanaması ümumiyyətlə, heç bir səbəb olmadan, qəfildən baş verə bilər. Çox vaxt qanaxma qısa müddətdən sonra öz-özünə dayanır. Qanaxma uzun müddət davam edərsə, uşaq özünü zəif hiss edir, təzyiqi aşağı düşür, soyuq tər basır və başı fırlanır. Uzun müddət davam edən qanaxma böyük qan itkisinə, anemiyanın inkişafına səbəb olur.

Uşaqlarda burun qanamasının səbəbləri nədir?

- Çox vaxt qanaxma burnun zədələnməsi nəticəsində baş verir.

- Bəzən körpələrin burnuna bir şey tıxaması qan damarlarını zədələyərək, qanaxmaya səbəb olur.

- Çox quru hava ilə nəfəsalma zamanı burnun selikli qişası quruyur, elastikliyini itirir və asqırarkən çatlayaraq, qanaxmaya səbəb olur.

- Damar keçiriciliyinin artması zamanı iltihab, soyuqdəymə, qrip zamanı burun qanxması müşahidə oluna bilər.

- Vegeto-damar distoniyasından əziyyət çəkən uşaqlarda burun qanaması ola bilər.

- Həddindən artıq istiləşmə, gün vurması da burun qanamasına səbəb ola bilər.

- Burun çəpərinin əyriliyi burun qanamasına səbəb ola bilir.

- Bəzən burun qanamaları burundakı xoş və ya bədxassəli bir şişin, qan xəstəliklərinin əlaməti ola bilər.

Uşağın burnundan qan gəlirsə nə etməli?

- Uşağı sakitləşdirin (və özünüz sakitləşin).

- Uşaqdan başını bir az irəli əyməsini xahiş edərək otuzdurun. Burun qanaması zamanı başı geri atmaq olmaz!

- Pəncərəni açaraq təmiz hava axınını təmin edin. Paltarların düymələrin açın. Uşağa ağızdan dərin nəfəs almasını deyin.

- Burun kökünə soyuq bir şey - dəsmalla bükülmüş buz və ya soyuq suya batırılmış bez qoyun. Ayaqlar, əksinə, isti olmalıdır.

- Kömək etmirsə, 3%-li hidrogen peroksid məhlulunda isladılmış steril bir pambıq çubuğu burun dəliyinə qoyun.

- Qan dayandırıldıqdan dərhal sonra uşağa yemək, çay və ya kakao verməyin.

- Qanaxma şiddətlidirsə dərhal təcili yardım çağırın.
(səs: 1)
Şərhlər: 1
Baxılıb: 564
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri