Müasir tədqiqatlar nəticəsində qadın və kişilərin ömrünü uzada və yaxud azalda biləcək maraqlı məlumatlar əldə edilib. Demə, bir neçə oğlan uşağı dünyaya gətirmək qadınların ömrünün azalmasına səbəb olacaq amillər sırasında önəmli yer tutur.

Britaniya alimləri aşkarlayıb ki, qadın növbəti oğlan uşağını dünyaya gətirməklə ölüm riskini 11 faiz artırır. Amma kişilərin bu sarıdan bəxti daha çox gətirib. Belə ki, övladı oğlan doğulan kişilərin ömrünü uzadır. Konkret olaraq oğlan uşağının ananın orqanizminə mənfi təsirinin onunla bağlayırlar ki, adətən oğlanların çəkisi qızlara nisbətən çox olur. Bu faktor isə qadın orqanizminin böyük ağırlığa düşməsinə səbəb olur. Bundan başqa, ana bətnində oğlan uşağı olan qadında immun sistemini zəiflədən testosteronun (qan hüceyrələrinin tərkibindəki maddə) səviyyəsi yüksəlir.

Oğlanların anaların həyatını qısaltmasının digər səbəbi odur ki, onların qayğısına daha çox qalmaq gərəkdir. Əksinə, qızlar anaların həyatının uzadılmasında əhəmiyyətli rol oynayırlar. Belə ki, onlar ev işlərində, balaca qardaş və ya bacılarına qulluq etməkdə analarına yardımçı olurlar.

Oğlan uşaqlarının ataların həyatına müsbət təsiri isə bioloji və mənəvi rahatlıq hissləri ilə izah edilir.