Biz vətənin sabahıyıq - İnşa

Müəllif: Sweet Candy
Şərhlər: 2
Baxılıb: 406
Səs ver:
(səs: 0)
Adətən, söhbət gənclikdən düşdükdə göz önündə gələcək canlanır. Biz gənclər Vətənin sabahının, gələcəyinin qurucularıyıq. Vətənin sabahının işıqlı, gələcəyinin parlaq olması bu gün ölkədə fıziki və mənəvi cəhətdən sağlam, dünyada gedən prosesləri qavraya bilən, müasir texnologiyalarla işləməyi bacaran, əqidəli gənclərin yetişməsindən çox asılıdır.

Müstəqil Azərbaycan gənclər ölkəsi hesab olunur. Respublikamızın əhalisinin yarıdan çoxunu gənclər, yeniyetmələr və uşaqlar təşkil edir. Buna görə də ölkəmizdə böyüməkdə olan nəsil hər cür qayğı ilə əhatə olunub, dövlət tərəfindən gənclərin asudə vaxtlarının təşkilinə, fiziki və peşə hazırlığına, mədəni səviyyələrinin yüksəldilməsinə hərtərəfli qayğı göstərilir. 1994-cü ildə ölkəmizdə ümummilli liderimiz Heydər Əliyevin təşəbbüsü ilə Gənclər və İdman Nazirliyi yaradılmış, bununla da gənclər siyasəti dövlət siyasəti səviyyəsinə yüksəldilmişdir. Gənclər siyasətini həyata keçirən belə bir nazirliyin yaradılması respublikamızda böyük qüvvə olan gənclərin təşkilatlanmasında, onların potensialından müstəqil Azərbaycanın mənafeyi naminə səmərəli istifadə olunmasında mühüm amilə çevrilmişdir. Nazirliyin xətti ilə ölkəmizdə milli-mənəvi dəyərlərin qorunması, gənclərin ideya tərbiyəsinin möhkəmləndirilməsi, onların xalqımızın ən yaxşı ənənələri ruhunda formalaşmaları, müasir bəşəri dəyərlərə yiyələnmələri üçün məqsədyönlü tədbirlər həyata keçirilir.

Dövlətimizin ölkədə təhsil sisteminin yeniləşməsinə göstərdiyi qayğı barədə ayrıca söhbət açmaq gərəkdir. Mütəfəkkir insanlar təhsilsiz cəmiyyəti qaranlıq tunelə bənzətmişlər. XXI əsrdə isə tələb başqadır. İndi adi təhsillə kifayətlənmək mümkün deyil. Buna görə də dövlətimiz təhsil sahəsində siyasəti belə müəyyənləşdirib: respublikanın iqtisadi potensialı insan potensialına çevrilməlidir. Son illərdə ölkəmizdə məktəb tikintisinin vüsət alması, məktəblərin maddi-texniki bazasının möhkəmləndirilməsi, dərsliklərin uşaqlara pulsuz paylanması və başqa belə tədbirlər təhsilə dövlət qayğısının ifadəsidir.

Ölkədə gənclərlə işin mühüm bir istiqamətini hərbi-vətənpərvərlik mövzusunun geniş surətdə təbliğ olunması təşkil edir. Bu da respublikamızın qonşu Ermənistanla müharibə şəraitində olması, torpaqlarımızın 20 faizinin işğal altında qalması, bir milyon soydaşımızın dədə-baba torpaqlarından qaçqın düşməsi ilə bağlıdır. Gənclərin devizi belədir. Biz gec-tez torpaqlarımızı düşmən tapdağından azad etməliyik! Böyüməkdə olan nəslin hərbi-vətənpərvərlik tərbiyəsinə diqqəti artırmaq, şagirdləri hərbi-idman oyunlarına geniş cəlb etmək məqsədilə hər il məktəblilər arasında «Şahin», «Marş, irəli», «Vətənin müdafıəsinə hazıram», «Cəsurlar» kimi hərbi-idman oyunları təşkil edilir.

1996-cı ildə Azərbaycan gənclərinin həyatında əlamətdar hadisə baş verdi. Həmin il fevralın 2-də Bakı şəhərində respublika gənclərinin I Forumu təşkil olundu. Azərbaycan gənclərinin ən fəal hissəsinin qatıldığı forumda iştirakçılar arzularını bildirdilər, ölkənin ictimai-siyasi həyatında fəal surətdə iştirak etmək arzulannı dilə gətirdilər. 1997-ci ildən etibarən gənclərin I Forumunun keçirildiyi 2 fevral ölkəmizdə Gənclər Günü kimi qeyd olunur. Bu, müstəqil Azərbaycanın sabahının qurucuları üçün çox əziz, əlamətdar bir gündür.

Ölkəmizdə gənclərlə aparılan məqsədyönlü iş öz bəhrəsini verməkdədir. Respublika gənclərinin II Forumunda vurğulandığı kimi, artıq Azərbaycan gəncləri təşkilatlanıb, birləşib, cəmiyyətdə öz yerlərini tutub və müstəqil Azərbaycanın inkişaf etməsi üçün lazımi işlər görürlər. Belə ki, bu gün Azərbaycan gəncləri müxtəlif dövlət orqanlarında, icra strukturlannda geniş təmsil olunur, özəl bölmədə uğurlar qazanır, mükəmməl təhsil almağa böyük maraq göstərirlər. Müstəqil respublikamızın ordu quruculuğunda gənclərin rolu əvəzsizdir. Onlar Vətən qarşısında borclarını ləyaqətlə yerinə yetirmək üçün həvəslə orduya xidmətə gedir, hərbi texnikanın sirlərinə mükəmməl yiyələnirlər. Bütün bunlar müstəqil Azərbaycanın sabahına nikbin baxmağa əsas verir.
(səs: 0)
Şərhlər: 2
Baxılıb: 406
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Offline
vipbetul
gozel ad fikirlesilib insamiza
1 sentyabr 2018 11:53
2
Of,If I stretch my hands,do you hold them in your hands,Sir?
Oh, do you look at my tearful eyes even once?
Offline
❤Mələyim❤
Seçilmişlərə əlavə etdim lazım olacaq təşəkkür edirəm
1 sentyabr 2018 02:30
1

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Səsvermə

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 

Qadın testləri