Hər gün ən azı bir saatınızı dil öyrənməyə sərf etsəniz belə bu sizə kifayət edəcək. Təbii ki, yeni dilləri götürmə qabiliyyətindən də çox şey asılıdır. Bacardığınız qədər isə praktika edin. Danışmağa heç kim olmasa belə siz, özünüz-özünüz ilə danışın və unutmayın ki, bir yeni dili öyrənmək üçün səbr mütləqdir. Bir anın içində heç bir şey baş vermir.

İlk öncə İspan dili haqqında qısa məlumat, dilin quruluşu və dildə işlənən əsas ifadələr haqqında məlumat verməyi düşünürəm.
Məncə artıq başlayaq.

İlk öncə onu qeyd etməliyəm ki, İspan dili dünyada ən çox danışılan üçüncü dildir. Dilin yayılma coğrafiyası əsasən Cənub-qərbi Avropa və Şimali-Cənubi Amerika qitələridir. Təxmini rəqəmlərə əsasən yer üzərində 500.000.000a yaxın insan ispanca bilir, danışır. Eyni zamanda İspan dili, bir çox ölkədə rəsmi dil olaraq qəbul edilmişdir. Məsələn; İspaniya, Kuba, Argentina, Kolumbiya, Kosta-Rika, Çili, Ekvador, Qvatemala, Peru, Meksika, Uruqvay və digər ölkələr.

İndi isə İspan dilində istifadə edilən bəzi vacib ifadələr haqqında məlumat verim. İlkin olaraq bu ifadələr vasitəsi ilə dil haqqında məlumat toplamaq üçün istifadə edə bilərsiniz. Məsələn aşağıda salamlama, sağollaşma və minnətdarlıq bildirən zaman istifadə edilən əsas ifadələri yazmışam.

Salamlama və sağollaşma
Xoş gəlmisiniz  – Bienvenidos
Salam  – Hola
Sabahınız xeyir  – Buenos dias
Necəsən? – ¿Como estas?/¿Que tal?  
Necəsiniz? –  ¿Como esta?
Yaxşı  – Bien
Çox yaxşı – Muy bien
Pis – Mal
Çox pis  – Muy mal
Gecəniz xeyrə qarşı – Buenos noches
Gedək – Vamos
Buyurun – Por favor
Görüşərik  – Hasta la vista/Hasta lügo
Hələlik – Adios

Minnətdarlıq bildirmə
Təşəkkürlər– Gracias
Xüsusi təşəkkürlər – Muchas gracias
Üzr istəyirəm – Perdon

Təbii ki, bir dildə əsas olan şeylərdən biri də şəxs əvəzlikləridir. Aşağıda bu haqqda məlumat vermişəm.

Şəxs əvəzlikləri 

Mən – Yo
Sən – Tu/Vos
O – El (k), Ella (q)
Biz – Nosotros (k), Nosotras (q)
Siz – Vosotros (k), Vosotras (q)
Onlar – Ellos (k), Ellas (q)

və İspan dilində mövcud olan, digər, bəzi əsas ifadələr də aşağıdakılardır.

Digər ifadələr

Qız (uşaq) – La hija
Oğlan (uşaq) – El hijo
Ana – La madre
Ata – El padre
Dost – El amigo (k), La amiga (q)
Biraz – Un poco
Pul – Dinero
Çox – Mucho
Hamısı – Todo
Yaxşı – ¡De acuerdo!, ¡Esta bien!

Bu günlük son olaraq İspan dilində mövcud olanda cəm şəkilçisi haqqında məlumat verim.
Əgər mövcud ismin sonluğunda sait varsa sözün sonuna -s şəkilçisi əlavə edilməlidir. Məsələn;

İnsan – Hombre
İnsanlar – Hombres
Tələbə – Alumno
Tələbələr – Alumnos
Ev – Casa
Evlər – Casas
Qız – Chica
Qızlar – Chicas

Bu haqqda kiçik bir nümunə də verim. Məsələn deyək ki, qızları salamlayırsınız. Bu zaman necə istifadə edəcəksiniz?

Salam xanım – Hola chica
Salam xanımlar – Hola chicas

Az öncə də dediyim kimi əgər ismin son hərfi saitdirsə o zaman ismin sonuna -s şəkilçisi əlavə edilir. Əgər ismin son hərfi samitdirsə, o zaman isminsonuna -es şəkilçisi əlavə edilməlidir. Məsələn;

Qadın – Mujer
Qadınlar – Mujeres
Ağac – Arbol
Ağaclar – Arboles

Hörmətlə; Rasul Mammadli