Bir uğur hekayəsi - ÇOX TƏSİRLƏNƏCƏKSİNİZ

Müəllif: diablo
Şərhlər: 4
Baxılıb: 1848
Səs ver:
(səs: 1)
Bədənimizin hansısa yeri azacıq ağrıyanda özümüzü yorğan-döşəyə həbs edirik. Bir barmağımızı belə itirsək, həyatdan, yaşamaqdan imtina edəcək qədər qəddarlaşa bilərik. Ayağı bir balaca ləngər vuran adamların əl açıb diləndiyini görmüşük.
Bir anlıq əllərinizin, ayaqlarınızın olmadığını düşünün. Çox qorxulu hissdir deyilmi? Amma təsəvvür edin ki, ağlı və iradəsi sayəsində yaşayan, üstəlik insanlara həyatı sevməyi öyrədən "bədən" var. Əlsiz, ayaqsız, bədən...

1983-cü ilin 4 dekabrı Avstaliyanın Brisben şəhərinin xəstəxanaların birində bir oğlan uşağı dünyaya gəlir. O doğulanda həkimlər təşvişə düşmüşdülər. Bu xəbəri valideyninə necə çatdıracaqlarını düşünürdülər. Doğuş stolunda olan ananın hələ ki, heç nədən xəbəri yox idi. Həkimlər atanı çağırıb hər şeyi dedilər və uşağı ona göstərdilər. Şoka düşən ata arvadına nə deyəcəyini düşünürdü. Onun yanına gəldi. Gözlərinə baxmağa cəsarət etmədən yalnız bir söz deməyə gücü çatdı: "Bizim oğlumuz çox gözəldir..."

Nik adını qoyduqları bu oğlanı gənc ana dörd ay qucağına ala bilmir, əmizdirməkdən imtina edir. Ancaq uşaq böyüdükcə həyata "dördəlli" sarılırdı. Hətta yeriməyə cəhd edirdi. Sadəcə bir balaca dayaq rolunu oynayan ayağı sayəsində. Sonralar o, bu ayağını əl kimi istifadə edir, hətta hovuzda belə üzə bilirdi. Nikin bu inkişafı ailəsinin onunla bağlı ümidsizliklərini tamamilə unutdururdu. Evdəki bir çox texnikalar, hamamda tuş, demək olar ki, hər şey Nikin onlardan rahat istifadə edəcəyi vəziyyətdə quraşdırılmışdı. O, yazmağı bacarır, kompüterdən istifadə edir, ağlı ilə hamını heyrətləndirirdi.

Ancaq məktəbdə hər şey o qədər də asan olmadı. Nik uşaqlarla dil tapmaq, onlara özünü qəbul etdirmək üçün çalışırdı. Təbii ki, bir gün ümidləri tükəndi. Və bu dünyada hamıya yük olduğu qərarına gəldi. Vannada çimərkən suyun altına girib, özünü boğmağa cəhd etdi. Amma son anda fikrindən daşındı. Axı atası, anası, bacısı, qardaşı onu çox sevirdilər. Onlara bu acını yaşatmağa dəyərmi?! Məhz bundan sonra o, gələcəyi barədə düşünməyə başladı.

Günlərin bir günü, Niki universitetlərin birinə tələbələrin qarşısında çıxış üçün dəvət etdilər. Bütün tələbələr onun söhbətlərini heyrət və göz yaşları içində dinlədi.

Nikin çıxışından

"Bir vaxtlar mən həyatımı kənardan seyr edib düşünürdüm ki, məndə heç nə alınmayacaq. Və başladım nəyi istəyib, nəyi istəməyəcəyim barədə seçimlər etməyə... İlk olaraq, onu dərk etdim ki, hər şeyə görə minnətdarlıq etməyi bacarmalıyam. Təbii ki, bu, çətin idi. Amma mən həyatı sevirəm. Hər kəs təəccüb edir ki, mən necə bu qədər gülə bilirəm. Sadəcə səbirli olmaq lazımdır".

Sonda gənc qızlardan biri ağlayaraq, onu qucaqlamaq istədiyini bildirdi. Nik ilk dəfə hansısa bir xanımın onu belə sevgiylə qucaqladığını gördü. Bundan sonra səsi-sorağı yayılan Niki müxtəlif yerlərə çıxış etmək üçün dəvət edirlər. O, insanlara ibrətamiz hekayələr danışır, onları həyatı sevməyə səsləyir, hətta tamaşaçılarını məzəli söhbətləri ilə əyləndirməyi də bacarırdı. Beləcə, Nik professional oratora çevrilir. Dəvətlərin sayı-hesabı yox idi. Yüzlərlə televiziya kanalına, radiolara müsahibə verir. Dünyanın 40-dan çox ölkəsində böyük tribunlarda çıxışlar edir. Bu, onu həm də maddi baxımdan gücləndirir. O, iki ayaq barmağının köməyi ilə hətta öz həyatından bəhs edən kitab yazır.
Nik hamını sevməyə, aşiq olmağa səsləyirdi. Özü də aşiq olurdu. Amma qarşılıq görməyəcəyini bilirdi.

"Ən çətini isə budur. Mən anladım ki, kişi birinci qadının əlindən tutur. Məhz bundan sonra ürəyinə yol tapır. Mənə isə ürəyin qapısını açmaq üçün əl lazım deyil..."

Deyəsən, vəziyyət Nikin sandığı qədər acınacaqlı deyilmiş. Çünki günlərin bir günü ona aşiq olan qadın tapılır. Bütün fiziki məhdudiyyətlərinə rəğmən Kanae Miaxara Nikə ürəkdən bağlanır. 2010-cu il fevralın 10-da onların möhtəşəm toyu olur. Hətta cütlük haqda film çəkilir. Amma hər kəsi bir sual maraqlandırırdı. Müsahibələrin birində aparıcı Kanaeyə sual verir.

- Bəs, sizin Niklə cinsi münasibətlərinizdə problem olmur ki?
Kanaeə gülərək cavab verir:
- Bu, hər kəsi maraqlandırır. Bilirəm. Amma onu deyim ki, bir kişiyə lazım olan nə varsa, onların hamısı Nikdə var.

Evliliklərindən bir ildən sonra onların oğlu doğulur. Uşağın əllərini və ayaqlarını görən Nik sevindiyindən qışqıra-qışqıra ağlamağa başlayır.

Nik düşünür ki, insanlar iki əsas həyat qaydasını bilməlidirlər.
Birinci: nə vaxt ağrısan, bil ki, səni sevənlər var. İkinci: "hər şey yaxşı olacaq" deyə yaşamaq lazımdır...
(səs: 1)
Şərhlər: 4
Baxılıb: 1848
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Şərh sayı: 1361
Xəbər sayı: 5
kivircik
Son 2 fikri chox sevdim,chunki herzaman istifade etdiyim sozdu,heyat devizimdi " hershey yaxshi olacaq" !

Son 2 fikri chox sevdim,chunki herzaman istifade etdiyim sozdu,heyat devizimdi " hershey yaxshi olacaq" !
6 fevral 2020 21:50
4
Az shikayet,chox shukur- seni mutluluga goturur!
Şərh sayı: 971
Xəbər sayı: 13
Army_Blink
Tesirlidi. Men olsam yeqin ki dayana bi lmezdim.
6 fevral 2020 19:09
3
#**¶ Bu GÜnÜ yAŞa!!! SaBAhI düŞüNMe!
ÇÜnkÜ sABah OLmaYaDA bİlERsEn!!! *¢¶
Şərh sayı: 13390
Xəbər sayı: 297
Miss_Oxatan
He Nik haqqinda bilirdim eslinde uzden cox wirin oglandir.uwagi ele uzden ona oxwayir.bizde sosiallawmaga qoymazlar hec ata ana ozu.o saat bedbext ve iwe yaramaz damgasi vurub evin bir kuncunde saxlayirlar bele qusurlu uwaqlari.ama qerbde valideynler ele deyil axi.
5 fevral 2020 23:46
2
#flatearth
Şərh sayı: 80419
Xəbər sayı: 30
BARBI
Heqiqeten gozlerim yasardi bu tesirli hekayeye.Halal olsun nik kimi qabiliyyetli oglannara.Heyatda hec zaman umidini itirme
5 fevral 2020 21:36
1
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri