Sən demə təzədən sevmək olarmış

Tale də təzədən gülə bilərmiş

Küsüb gözü yaşlı gedən məhəbbət

Peşiman- peşiman dönə bilərmiş

Ürək bulud kimi boşalırsa da

Demək bulud kimi təzədən dolur

Sonuncu şöləsi tirəyən şamdan

Başqa bir şamı da yandırmaq olur

Sən demə təzədən sevmək olarmış

Köhnə yaraları vaxt zaman silir

Kəsilən budaqla ölən ağaclar

Yenö pöhrələrlə dirilə bilir

Ağlaya-ağlaya dünyaya gəlib

Biz ana südüylə gülməmişikmi

Hər axşam sap-sarı batan günəşi

Hər səhər təzə-tər görməmişikmi

Sən demə təzədən sevmək olarmış

Sevgi fursət deyil ki,quş kimi uça

Nə də kölgədir ki,qaçasan qova

Ya da sən qovasan o səndən qaça

Çıxarsan qəlbindən ötən sevginin

Bir gün də tənhalıq sıxacaq sənı

Kiməsə etdiyin yaxşılıq kimi

Məhəbbət qarşına çıxacaq sənin.

 İlk sevgi yuvadan uçan quşciğaz

Köhnə qanadlara pöhrələnməyib

Məcnunun ahiyla uçan məhəbbət

Min bir hiylə ilə yerə enməyib

Mən ki görməmişəm sevgini susan

Məhəbbət zirvədə qorunan qarmış

 Kim deyir bir dəfə sevilir insan

Sən demə hər zaman sevmək olarmış