Onlara Asiya, Avropa, Şimali Afrika və Şimali Amerikanın şam meşələri və kolluqlarında rast gəlinir. Parklar, bağlar və meşələr daxil olmaqla yaşamaq üçün çox geniş sahəyə sahibdirlər. Kəndlərdə evlərin kənarında və çəmənlərdə bitən böyürtkən kolları bu quşlar üçün ideal sığınacaq, yuva və qidalanma məskənidir.
Ən nəzərə çarpan xüsusiyyəti qısa quyruğu və yumru gövdələrinin olmasıdır. Rəngləri eninə tünd rəng xəttləri olan tünd şabalıdı rəngdədir. Alt qisimləri daha açıq rəngdə və boz xəttlidir. Qaş bölgəsində nəzərə çarpan daha açıq rəngli bir xətt var. Kürəkləri zeytun yaşılı, qarın hissəsi boz və yaşıl rəngdədir. Qanadları və quyruqları qəhvəyi olub, erkəklərin başlarının ortasında qırmızı bir ləkə olur. Dişilərin başlarındakı ləkə sarıdır.
Yerdə və ya ağaclarda tapdıqları müxtəlif böcək, hörümçək,və kiçik toxumlarla bəslənərlər. Qışda menyuları dəyişər.
Erkək çalıquşular dişilər üçün 2-3 ədəd yuva hazırlayırlar. Dişi bəyəndiyi yuvanı tüklərlə bəzəyir.
Hekayələrdə çalıquşu zəka və hiyləgərlik rəmzi olaraq göstərilir. Çalıquşları sabit, yerli quşlardır. Ancaq Şimali Avropadakı növləri köçəridir.