Heyvanları şüursuz sansaq da, əslində, onların da özünəməxsus sevinc və kədərli anlarına şahid olmaq olar. Belə bir qəribə hadisə ilə 31 yaşlı hind fotoqraf Avinş Lodxidə qarşılaşıb.
Yerli meşələrin birində fotolar çəkən Lodxinin obyektivinə balasının öldüyünü zənn edərək ağlayan meymun düşüb. Fotoda aydın görünür ki, meymun başını havaya qaldıraraq balası üçün fəryad qoparır. Lakin hadisə xoş sonluqla bitir. Qısa müddətə huşunu itirən bala meymun özünə gəlir. Hadisəni şərh edən fotoqraf uzun illərdir heyvanların yaşam tərzini lentə almasına baxmayaraq, belə bir halla ilk dəfə rastlaşdığını qeyd edib.