Adi gəlincik (lat. Mustela nivalis) - gəlincik cinsinə aid heyvan növü. Gəlincik dələkimilər fəsiləsinin ən kiçik nümayəndəsidir. Gəlincik yırtıcıdır. Bədəninin uzunluğu 21-26 sm, quyruğunun uzunluğu 2-5 sm, çəkisi isə 70-105 qramdır. Bədəni azca uzunsovdur. Sıx və qısa xəzə malikdir. Tükü yayda sarımtıl-boz, qışda isə boz rəngdə olur. Döş və qarın tükləri ağ rəngdədir. Başı kiçik, üzü nisbətən enlidir.

Azərbaycanın hər yerində bu heyvana təsadüf olunur. Dağətəyi meşəlik və kolluqlarda sayca daha çoxdur. Düzənliklərdə də çox yayılmışdır. Əsasən daşlıq yerlərdə yaşayır.