Gənc yazar Xavər Şəfiyevanın kiçik müsahibəsi və şeirlərini Qadılnla.Com olaraq təqdim edirik:
- Xavər Şəfiyeva özünü oxuculara necə təqdim edər?
- Mən Xavər. Söz xəzinəsi ilə dolu ruhumdakı sətirləri nəzmlə oxuculara çatdırmağa çalışan gənc yazar.
- Nələrdən ilhamlanırsınız?
- Kitablardan, kitablardakı dəyərli sətirlərdən, ən çox da məndən qat-qat güclü olan şairlərin şeirlərindən ilhamlanıram.
- İlk qələm təcrübənizi haçan yazmısınız və həmin vaxtdan bu yana qələminizdə hansı dəyişikliklər baş verib?
- İlk şeirimi məktəb vaxtı özüm üçün yazmışdım. Ədəbiyyatı sevirdim və heç vaxt ağlıma gəlməz idi ki, mən poeziya ilə bu qədər çox maraqlanacam, uğurlar əldə etməyə çalışacam. İlk vaxtlar yazdıqlarım, təbii ki, zəif idi. Əlbəttə ki, daha çox mütaliə etdikcə, daha çox araşdırıb öyrəndikcə insanın fikirləri zənginləşir, söz ehtiyatı artır və belə müsbət hal yazdıqlarına da çox böyük təsir edir, bir sözlə, təcrübə genişlənir. Gün günü ötdükcə şeirlərim də şeirlərimi ötür.
- İlham pəriləriniz daha çox günün hansı vaxtında qonaq gəlir?
- Çox sevdim bu sualı, Aynur xanım. Bir dəfə sosial şəbəkədə gənc yazarlardan biri belə bir paylaşım etmişdi ki, "Maşınla yol gedirdim, hətta maşını sürətlə sürürdüm. Birdən ilham pərilərim gəldi. Maşını bir qırağa çəkib, o anda yazdım şeirimi". Mənə qəribə gəlmişdi, demişdim, yəqin, çox istedadlıdır. Çünki elə zamanlarda heç vaxt təbim gəlməyib. Lap təbim gəlsə belə fikir dağınıqlığı olur. Gecələr yazıram, adətən. Həm sakitlik olur, həm də boş vaxtım yalnız gecələr olur. Belə. (gülür)
- Daha çox hansı ədibləri oxuyursunuz və şair deyiləndə ağlınıza ilk gələn şair kimdir?
- Ədəbiyyatımızda öz sözünü demiş şairlər kifayət qədər çoxdur. Məhəmmədhüseyn Şəhriyar, Ramiz Rövşən, Vahid Əziz sevə-sevə oxuduğum şairlərdir. Konkret bir ad çəkməli olsam Nüsrət Kəsəmənli deyərəm. Çünki şeirləri çox gözəldir.
- Son olaraq oxuculara sözünüz?
- Əziz oxucular, istəyir dostunuz olsun, istəyir qohumunuz, lap belə bacı-qardaşınız olsa da zəif şeiri bəh-bəhlə oxuyub yalandan tərifləməyin. Gördüyünüz qüsurları deyəmə çalışın. Yazarı şair edən oxuculardır. Siz var olun ki, biz də var olaq. (gülür)
Gəl çarəm. Gəl duz basma sen yarama Baxçamda al güllər solub Bəsdi sənallah ağlama Nə olubsa mənə olub
Bəxti yavər gəzən idim Gəl gör indi məni tani Bir zamanlar sənin idim O sənli günlərim hanı?
Toxun bir az əllərimə Əlin gəzdir yanağımda Bir öpüş qoy tellərimə Barı gülsün dodağım da
Qoyma belə yarı yolda Yetim qala xəyallarım Dərd vermisən özün boyda Bəs çarəni kimdən alım
Nə tez məni yola verdim Səni sevirəm deyə-deyə Mən ömrümü vada verdim Bəxtim uçdu quştək göyə
Xəyallarım qaçır sənə Ürəyimə qoymur məhəl Bir az ümüd qalıb hələ Qurban olum!Gəl çarəm gəl
Gəl çarəm. Gəl duz basma sen yarama Baxçamda al güllər solub Bəsdi sənallah ağlama Nə olubsa mənə olub
Bəxti yavər gəzən idim Gəl gör indi məni tani Bir zamanlar sənin idim O sənli günlərim hanı?
Toxun bir az əllərimə Əlin gəzdir yanağımda Bir öpüş qoy tellərimə Barı gülsün dodağım da
Qoyma belə yarı yolda Yetim qala xəyallarım Dərd vermisən özün boyda Bəs çarəni kimdən alım
Nə tez məni yola verdim Səni sevirəm deyə-deyə Mən ömrümü vada verdim Bəxtim uçdu quştək göyə
Xəyallarım qaçır sənə Ürəyimə qoymur məhəl Bir az ümüd qalıb hələ Qurban olum!Gəl çarəm gəl
"Ana mənə layla çal" Ana mənə layla çal Unudum dərdlərimi Başım dizinin üstə Sığalla tellərimi
Ana mənə layla çal Uyuyum qucağında Harda dərd var ,kədər var Hey mənim sorağımda
Qurban olum dilinə Çal bir layla mənimçün O qayğısız günləri Xəyal edim özümçün
Daha doydum hər şeydən Bir tək səndən doymadım Titrək dolu səsindən, Nəğməsindən doymadım
Dəyişib hər şey ana Bürüb dünya yalana Uşaqlığa qaçım mən Çal bir layla balana Çal bir layla balana