Kişi dünyaya qız uşağı gətirdi

Dünyaca məşhur olan hamilə kişi uğurla qız uşağı dünyaya gətirib. 34 yaşlı Tomas Biti qadın doğulub. Lakin cinsini dəyişdirmək üçün əməliyyat etdirib. Bunun müqabilində onun döşləri kəsilərək götürülüb. Lakin daxili qadın orqanları qalıb. İndi isə gənc ata və onun qızı Oriqon ştatındakı Benda xəstəxanasındadır. Həkimlər onların vəziyyətinin yaxşı olduğunu bildirirlər. Qeyd edək ki, Tomas süni mayalanma nəticəsində hamilə qalıb. Bəzi məlumatlara görə, doğuş çətin keçdiyi üçün həkimlər Toması qeysəriyyə əməliyyatı ediblər. Opra Uinfinin tok-şousuna qatılan Tomas bildirib ki, cinsini dyişdirərkən əvvəlcədən düşünülmüş şəkildə qadın orqanlarını saxlatdırıb. Çünki ən böyük arzusu nə zamansa uşaq dünyaya gətirmək idi. Onun əsl Adı Treysi Laqondin olub. Sonradan özünə Tomas adını götürən bu kişi-qadın Havayda böyüyüb. 20 yaşında isə belə bir addım atıb. 5 il ərzində o Nensi adlı qadınla evli olub.