Bu ilin ötən 6 ayında Mingəçevirdə 353 nigah bağlanıb və
75 boşanma qeydə alınıb. Trend-in məlumatına görə, bu barədə Mingəçevir
Şəhər Statistika İdarəsinin rəisi Etibar Süleymanov bildirib.
Mingəçevir
Şəhər Qeydiyyat Şöbəsinin rəisi Sevinc Hüseynova isə qeyd edib ki,
hazırda ər arvadın bir-birilərini başa düşmədən ayrılmaları qeydiyyat
şöbələrinin siyahısında o qədər də önəmli yerdə dayanmır.
Məlumatda deyilir ki, nikahı pozmaq qərarına gələn cütlüklər, əsasən, ailədaxili maddi sıxıntılarını və xəyanəti səbəb kimi göstərirlər. Boşananların əksəriyyəti isə gənclərdir. Sosial şəbəkələrin ərlə arvadın şəxsi həyatlarına daxil olması da ayrılmalara səbəb olur. Təkcə ötən il Mingəçevir şəhərində 7 ailə bu səbəbdən dağılıb.