Uzunömürlü olmaq sadəcə təbiətin lütfü kimi görünsə də, uzun illər boyunca davam edən araşdırmalardan sonra, alimlər, antropoloqlar, həkimlər, etnoloqlar və psixoloqlar belə nəticəyə gəliblər ki, insan ömrünün uzun olması sadəcə şans məsələsi deyil. Belə ki, uzun və sağlam həyatın sirri uşaqlıqdan etibarən başlayan bəlli bir həyat tərzinə söykənir.
Araşdırmalara görə insan ömrünü uzadan səbəblər:
- Dəniz kənarında və ya dənizdən 500-1300 metr yüksək olan yerlərdə yaşamaq, kiçik şəhər və kəndlərdə, eləcə də təmiz havası və yaşıllığı olan ərazilərdə yaşamaq;
- Xoşbəxt valideynlərə sahib olmaq, 20-30 yaşında uşaq sahibi olan valideynlərə malik olmaq; Valideynin (ananın) hamilə vaxtı zərərli vərdişlərinin olmaması, sevib-sevilmək;
- Vaxtı-vaxtında peyvəndlərin vurulması, mütəmadi həkim nəzarəti, idman məşğuliyyəti, hər iki valideynin qan qruplarının eyni olması, müntəzəm cinsi əlaqə, hündürboy olmaq.
- Sosial-Maddi vəziyyətin normada olması, stresdən uzaq olan mühit.
Qeyd edək ki, Skandinaviya, Yəhudi və Fransız əsilli irqlər digərlərinə nisbətdə daha çox yaşayır.