Türkiyədə tibb aləmində nadir olan əməliyyat uğurla başa çatdırılıb."Press TV"yə istinadən verdiyi məlumata görə, anadangəlmə uşaqlığı olmayan 21 yaşlı qıza uşaqlıq köçürülüb. Artıq əməliyyatın üzərindən təxminən 2 ay keçir və həkimlər yeni orqanın qızın orqanizminə tam uyğunlaşdığını bildirirlər. Onlar bir neçə ay sonra pasiyentin hamilə qala biləcəyini açıqlayıblar. Qadın əməliyyata ana olmaq istəyini gerçəkləşdirmək üçün razılaşıb.

Analoji əməliyyat ilk dəfə 2002-ci ildə Səudiyyə Ərəbistanında aparılsa da, o, uğursuz alınmışdı. O vaxt pasiyentə köçürülmüş uşaqlıq 2 ay sonra kəsilərək götürülməli olmuşdu.
Hazırda bu əməliyyata hazırlıq ABŞ, Böyük Britaniya və İsveçdə həyata keçirilir.