Ədalət şam kimi əriyir, ALLAH
Zor haqqı divara diriyir, ALLAH
Yalan ayaq açıb yeriyir, ALLAH
Bacara bilmirsən doğru-yalanla
De, necə barışım mən bu zamanla...

Mərdlərin başını namərdlər yiyir
Şərə göz vermiyib göz yumur Xeyir
Gədalar özünə şahənşah deyir
Yaxşılar iş görür pislə, yamanla
De, necə barışım mən bu zamanla…

Ürəklər soyuyub olub buz kimi
Namus çeynənilir 1 saqqız kimi
10 ilin pozğunun təmiz qız kimi
Gəlin köçürən var toyla, nişanla
De, necə barışım mən bu zamanla..........

Bığsız kişiləri el ağsaqqalı
Elmdən dəm vurur ağıldan kalı
Pələngə tay olub çaqqal çukqalı
Qoyunu aşnalıq edir qabanla
De, necə barışım mən bu zamanla..........

Qeyrət çoxları üçün olub 'qeyri ət'
1 milyon qaçqını olan bu millət
Dözüb səbr eliyir dəhşətdi dəhşət
Yuya bilmiriksə biz qanı qanla
De, necə barışım mən bu zamanla..........

'Ramil Səfərova azadlıq', hanı?
Verdik yad əllərə o mərd oğlanı
Allah yerə soxsun Azərbaycanı
Bu həyalı canla, bu həyəcanla
De, necə barışım mən bu zamanla..........

İndi 1 şüar var, 'yaşasın rüşvət'
Başda vəzifədir, ayaqda qeyrət
Bu yolla hara gedir bu millət
Yolu kəsmək olmur hətta QURANLA
De, necə barışım mən bu zamanla..........

Ata-anasıni oğraşlar bu gün
Qocalar evinə edirsə sürgün
Qarabağ alınar? Bu qeyri mümkün
Dünyanı titrədən ahu-fəğanla
De, necə barışım mən bu zamanla..........

Hər kəs öz xeyrini güdür həyatda
Bu işə ALLAH da mat qalıb hətta
2 doğma qardaş 1 damın altda
1 ocaq yandırır 2 qazanla
De, necə barışım mən bu zamanla..........

Haqqa yox, nəfsədir indi etiqad
1 kimsə yoxsula etmiyir imdad
Varlı öz dövlətin çəkdirir, ey dad
Kasıb öz çəkisin çəkən qapanla
De, necə barışım mən bu zamanla..........

Varlı süfrəsində olan tox milçək
Durur ac kasıbdan hörmətdə yüksəy
Pul üçün fağıra hansısa eşşək
Əgər əmr edirsə 'xoruz tək banla'
De, necə barışım mən bu zamanla..........

Kasıb nə deyirsə 'əşşşii' deyirlər
'Dəlidi, işləmir başı' deyirlər
İndi dövlətliyə 'kişi' deyirlər
Mənlik ölçülürsə dövlətlə, şanla
De, necə barışım mən bu zamanla..........

Avropa dəbinə olannan kölə
Ar zibil şəklində atılıb çölə
Adam xəcalətdən az qalır ölə
Darbalaq şalvarla, yarıq tumanla
De, necə barışım mən bu zamanla..........

Mən vəhşi çimərlik gördüm bu yayda
Diqqət! Fahişəxana tikilir ayda
Ata Maskvada, ana Dubayda
Oğul parapeddə, qız… Özün anla
De, necə barışım mən bu zamanla..........

Şairlər yazmasın sevgi şeirini
'Məcnunlar' bulvarda gəzir 'Leylini'
Erkəylər erkəyə salır meylini
Nigah bağlıyırsa zənan zənanla
De, necə barışım mən bu zamanla..........

Kişi var ev satıb qız kirəliyir
Firminni oteldə can şirəliyir
Arvad-uşağısa baş girəliyir
1 parça çörəklə, 1 baş soğanla
De, necə barışım mən bu zamanla..........

Arvad var ərinin sözünə baxmır
Ər var arvadının üzünə baxmır
Bu dünya güzgüdə özünə baxmır?!
Hanı Nuh peyğəmbər?! Gəlsin tufanla
De, necə barışım mən bu zamanla..........

Məmurlar firon tək əyləşib taxtda
Torpaq qanununun icrası saxta
Kompüter, texnika olan bu vaxtda
Kəndli yer şumluyur xışla, kotanla
De, necə barışım mən bu zamanla..........

Cinayət törədən hakim bizdədi
Xəstəsin öldürən həkim bizdədi
Özün kəşf etmiyən alim bizdədi
Bu əsəbi başla, bu dərdli canla
De, necə barışım mən bu zamanla..........

Cəngi bata-bata batır zatımız
Yallı yox caz gedir camaatımız
Məhv olmaq üzrədi muğamatımız
Əgər küsmüşüksə tarla, kamanla
De, necə barışım mən bu zamanla..........

Güldürüb özünə şarlatanları
Birləşmir dünyanın müsəlmanları
Mənə fitva versin din irfanları
2 təriqətlə, 2 azanla
De, necə barışım mən bu zamanla..........

Azmıdır bu xalqın din işğalçısı?
Dələduz mollası, gopçu falçısı
Hacı pivəsinin istehsalçısı
Saziş bağlıyırsa dini dükanla
De, necə barışım mən bu zamanla..........

Dinlədikcə şeytan çalan havanı
Eyliyirik haqqa qarşı davanı
Çoxu məşhərdəki haqqı-divanı
Səhv salır Embavuddakı divanla
De, necə barışım mən bu zamanla..........

Mən Nəsimi övladıyam, ay arsız
Sizə qalsa lap dərimi soyarsız
Kəfənimə qələm vərəq qoyarsız
Haqq dünyasın gözdüyürəm gümanla
De, necə barışım mən bu zamanla..........

Xəyala dalıram 1 an içində
Günahsız əllərim al qan içində
Bu şeiri yazmışam zindan içində
Mən şair Rüstəməm, az məni danla
Barışan deyiləm mən bu zamanla