Sən çox zövqlüsən...

Müəllif: Mr. OffiCeR
Şərhlər: 1
Baxılıb: 2 911
Səs ver:
(səs: 1)

 

Sən Kimsən? Nəçisən? Yenə dəvətsiz gəlmisən. Amma dəqiq vaxtında. Yox, demirəm ki "niyə gəlmisən?”. Zamansız dediklərimə cavabdeh olmaqdan yorulan insanlar kimi yorulmuşam zamansız suallardan. Gəlmisənsə, yorulmayasan. Bəlkə də sən yayın deyə bilmədiklərisən. Onun dərdi, onun yükünü daşıyansan. Yayın axıda bilmədiyi göz yaşlarısan. Hə, bəlkə də. Axı sən gələndə qara buludlarla birgə gəlirsən.

Bilirsən, göz yaşları günahları yuyar deyirlər. Bəlkə də sən yayın günahlarını yuyansan. Ya da dünyanın.
Xoş gəlmisən. Amma bilirsən, sən gələndə çoxlarının ürəyinə sıxıntı da gətirirsən. Ağladırsan, kövrəldirsən. Bilsəydin gəlməzdin. Amma gəlməlisən. Çünki sən bir qanunsan. Yox, yox mən demirəm ki, sən pissən. Məncə sən tez küsəyənsən. Xətrinə dəydimmi, göy üzündə göstərirsən küskünlüyünü. Damlalarınla. Həm də qəzəbli. Bəlkə də kinlisən. Bir bax, göy üzündəki gurultuya, çaxnaşmaya. Üsyankarsan. O zaman üsyanın nəyə?! Həm də çox həyalısan. Baxsana, artıq yarpaqların qızarmağa başladı. Bir azdan budaqdan ayrılıb küçələri bəzəyəcəklər. Sən həm də çox zövqlüsən.


Sən kimisi üçün kədərsən, kimisi üçün çox kədərli. Amma haqqında bu qədər çox danışdıransan. Eqoistsən bəlkə də. Nə verirsən, nə alırsan. Belə qürurlu. Sevilənsən. Amma səni sevməyənlərə sevgisizlik də göstərmirsən. Rəngarəngsən, amma ikiüzlü yox. Sən gəlmisən. Xoş gəlmisən. Payızım!

(səs: 1)
Şərhlər: 1
Baxılıb: 2 911
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri