Hadisə İngiltərənin Kend qraflığındakı Qreyvsend səmtində baş verib.

"The Sun"a istinadən bildirir ki, meşəlikdə görüş təyin etdiyi Aleks Starley və Meri Loran adlı əxlaqsız qadınları "intimual fantaziya" adı ilə onun boğazına kəndir keçirərək ağac budağından asmağa vadar edən 44 yaşlı Kolin Birçin cəsədi tapılıb.

Meri Loran polisə verdiyi ifadəsində bildirib ki, əynində göydələnlərin şüşələrini silən fəhlələrin paltarı, belində də troslar olan Kolin "Asın məni, asın!" deyərək onları məcbur edib.
"Onu asdıq və düşündük ki, bu, bir zarafatdır. Lakin Kolinin nəfəs almadığını, boğulduğunu görən kimi çalışdığım eskort agentliyinin sürücüsünə zəng vurdum", - Aleks Starley deyib.

Aleks sürücü ilə birlikdə Birçi xilas etməyə çalışsalar da, kişi artıq ölmüşdü.
Polisin verdiyi məlumata görə, iki uşaq atası Birçin qəsdən asıldığı və ya onun həyatına qəsd edildiyinə dəlalət edən heç bir sübut yoxdur: "Birç özü asılmağını təkid edib, sonra da bu "fantaziya"nın qurbanı olub".

İki övlad atası olan Kolin Birç əvvəllər "Deutsche Bank"da çalışmışdı.

Birçin 41 yaşlı arvadı Sandra və iki oğlu olayla bağlı jurnalistlərin suallarını cavablamaqdan imtina ediblər.