Gələn həftə beynəlxalq Moskva avtosalonunda Rusiya tüninq emalatxanası TopCar rəsmi olaraq Porsche Macan krossoveri üçün tüninq proqramı təqdim edəcək. Rusiyalı tünerlər lüks klass idman yolsuzluq avtomobili üçün yeni bodi-kit, iri təkərlər və interyer üçün daha dəbdəbəli tərtibat hazırlayıblar. Model Ursa adlandırılıb və kosmetik dəyişikliklərlə yanaşı texniki modernizasiyaya da məruz qalıb. Bütün bunlar tüninqdən çıxmış avtomobili standart versiyadan xeyli üstün göstərir.