En zəngin adamların ilk sirri onların uğursuzluğa düçar ola biləcəklərindən heç zaman qorxmamalarıdır. Məlum olub ki, milyarderlərdən hər biri ən azı 1 dəfə bizneslə bağlı yanlış qərar versə də, bundan panikaya düşməyib və yalnız dərs götürüb.
İkinci sirr daim əldə etdikləri pulun azlığını düşünmələridir. Milyarderlər hər zaman daha çox qazana biləcəklərinə əmin olurlar və nailiyyətləri ilə qətiyyən kifayətlənmirlər. Onlar mütəmadi olaraq, yeni gəlir mənbələri axtarmaqla məşğuldur.
Nəhayət, dünyanın ən zəngin adamlarının üçüncü sirri… uğurlu evlilikdir. «Forbes» bildirir ki, milyarderlər uğurlu nikahdan danışan zaman heç də miraslarının kimə qalacağını düşünmür, qadınlarından aldıqları dəstəyi nəzərdə tuturlar: «Milyarder olmaq üçün səni başa düşən, dəstəkləyən, daha da irəli gedəcəyinə inanan həyat yoldaşının olması son dərəcə vacibdir».