Səudiyyə Ərəbistanı Krallığındakı gözəl xanımları yeni məhdudiyyət və qadağa gözləyir.
Gözəl gözlü xanımlar bundan sonra kişilərin üzünə baxmamalı, simalarını gizlətməli, çadradan boylanmamalıdırlar.
"Əl Ərəbiyyə"yə istinadən bildirir ki, Səudiyyə Ərəbistanının Himmətlə Halallığın Təbliğatı və Günahlarla Mübarizə Komissiyasının qərarına görə, gözəl gözlü xanımlar kişiləri yoldan çıxarırlar.
Komissiyanın mətbuat katibi şeyx əl Motləb Nabetin dediyinə görə, belə qadınlar ictimai yerlərdə mütləq şəkildə "əbayə"də, yəni ənənəvi səudi çadrasında peyda olmalıdırlar.
"Gözləri gözəl olan, amma əbayədə olmayaraq sifətlərini örtməyən qadınlar cərimələnəcəklər. Belə qadın hərəkətini təkrarlayarsa, şallaqlanacaq", - şeyx Nabet bildirib.
Onun sözlərinə görə, Səudiyyə Ərəbistanında "qadınlara çox böyük sayğı var": "Məhz buna görə həşəmətli kral 2015-ci ildə qadınlara seçkilərə qatılaraq səs vermək hüququnu təqdim etmək niyyətindədir"