Misirdə 20 yaşlı qız ölkədəki qadın və insan hüquqlarının pozulmasına gözlənilməz şəkildə etiraz edib.

O, lüt soyunaraq şəkil çəkdirib, sonra da bu fotoları internetdəki bloqunda yerləşdirib.

Milli.Az xəbər portalı "Əl Misri əl Yəum"a istinadən bildirir ki, 20 yaşlı tələbə Aliyə Məqda əl Məhdi bloqunda yazıb: "Yalnız corabda şəkillər çəkdirməklə cəmiyyətimizdəki irqçilik, zorakılıq, intimizm, cinsi zəmində təcavüzlər, yalanlar, saxtakarlıq və yaltaqlığa etiraz edirəm".

Tələbə qızın lüt şəkillərini internetdə yayması Misirdə çox böyük qalmaqal yaradıb.

Ölkədəki liberal siyasətçilər hesab edirlər ki, bu insident noyabrın 28-də keçiriləcək parlament seçkiləri ərəfəsində mühafizəkar və mömin misirlilərin liberal siyasi partiyalara olan antipatiyasını daha da artıra bilər.

Aliyənin sevgilisi, 22 yaşlı tələbə Kərim Amer isə qızın əməlini dəstəkləyib.
"Aliyə cəmiyyətdəki ictimai və süni məhdudiyyətlərə etiraz edir", - Kamer deyib.

Misirdəki hüquq müdafiəçiləri ilə yanaşı, qərb ölkələrindəki ekspertlər də Aliyənin hərəkətini "axmaq cəsarət" adlandırıblar.

Misir şəhərlərində küçələrə çıxan minlərlə insan, qəzetlər və saytlar Aliyəni "fahişə", "ruhi xəstə" adlandırır, polisdən onun dərhal həbs etməyi istəyirlər.