İndi vaxtda artıq hamıya bəllidir ki, çipsinin insanın bədəninə və
ruhuna heç bir xeyri yoxdur. Bu "xoşniyyətli" qidanın qəbulu hər bir
kəsin həzm sistemini məhv etməyə və bədənini təhlükəli maddələr
kolleksiyasına çevirməyə qadirdir. Ancaq nə qədər gülməli görünsə də,
sən demə bu qidanın keyfiyyətli tərəfləri də var imiş.
Məsələn, onlarla tonqalı alovlandırmaq olar. Bu zarafat deyil. Çipsinin
tərkibindəki yağlar alovun uzun müddət davam etməsinə yardımçı olur.
Demək ocaq qalamaq üçün o qədər də əziyyət çəkmək lazım deyil, sadəcə
bir neçə paket çipsi almaq kifayətdir. Hesab edin ki, bu məhsulun
qiyməti çox münasibdir və o, sizin həftə sonu təbiət qoynunda
dincəlməyiniz üçün əvəzedilməz ləvazimatdır.