"Eurovision-2011" mahnı müsabiqəsinin qalibi Nigar Camal dünya ulduzları Cenifer Lopes, Beyonsa və Rihannaya meydan oxuyan “Crush on your” klipi ilə Azərbaycan şou-biznesinə yenilik gətirdi. ANS PRESS-in məlumatına görə, klipin Rusiya və Ukrayna ilə yanaşı, Avropada yayımlanması nəzərdə tutulub. Klipin daha bir təqdimat mərasimi Kiyevdə düzənlənəcək.
Qeyd edək ki, “Crush on your” videoklipinin rejissoru Rusiyada və Ukraynada çox məşhur olan rejissor Aleksey Lamaxdır. Çəkilişlər Rusiya və Ukraynada aparılıb. Klip Kiyev yaxınlığında yerləşən qotik üslublu bir qəsrdə çəkilib. Çəkilişin operatoru Sergey Banderasdır.
Sözügedən klip Azərbaycan şou-biznesində “ARRİ Alexa” kinokamerasına çəkilən ilk ekran işidir. Ekran işi bütün sonuncu Hollivud yenilikləri və Beyons, Rihanna və Cenifer Lopes kimi dünya şöhrətli ulduzların klipləri məhz bu kamera ilə çəkilir. “Crush on your” klipinin çəkiliş prosesinin icraçı prodüseri Olqa Danyukovadır.