"Scientist"ə istinadən bildirir ki, futuroloq Böyük Britaniya hökumətinin maliyyələşdirildiyi və yaxın 20 il ərzində narkobiznesin inkişafının tədqiqatına yönəlmiş araşdırma çərçivəsində belə nəticəyə gəlib.
Talvar hesab edir ki, genetika və genetik informasiyaya əsaslanmış sosial şəbəkələrin inkişafı konkret insanın gen yığımına istinad edən dərman preparatları ilə yanaşı, narkotik maddələrin də peyda olmasına səbəb olacaq.
Talvar deyib ki, ABŞ-ın Kaliforniya ştatındakı Berkli Universitetinin neyrobioloqları beyindən alınmış informasiyaların əsasında insanların bir qədər əvvəl gördükləri əşya və mənzərələri qismən bərpa edə biliblər.
Transkranial maqnit stimullaşdırılması ilə birlikdə bu metodun gələcəkdə müştərini ekstaz vəziyyətinə çatdıracağını düşünürlər.
"Bütün bunlar əvvəlcə inkişaf etmiş ölkələrdə, sonra isə dünya miqyasında ənənəvi narkoticarətin məhvinə səbəb olacaq. Çünki yalnız ciddi və nüfuzlu korporasiya müştəriyə tələb olunan səviyyədə emosiyalar verən məhsul istehsal edə biləcək", - Talvar deyib.