Hollandiyada insan ətinin dadının necə olması ilə maraqlanan iki aparıcı şəxs bədənlərindən bir parça ət kəsiblər. Daha sonra əti bişirərək bir-birilərinin dadına baxıblar.

 xarici mətbuata istinadən xəbər verir ki, Hollandiyada "Maraqlı suallara cavablar axtaran" bir televiziya proqramının aparıcıları insan ətinin dadını öyrənmək üçün canlı efirdə öz ətlərini yeyiblər. Dennis Storm və Valerio Zeno adlı bu şəxslər əvvəlcə əməliyyat olunaraq ombalarından ət kəsdiriblər. Daha sonra isə həmin əti bişirərək efirdə tamaşaçıların gözü qabağında yeyiblər.
Qeyd edək ki, bu hadisə ölkədə böyük mübahisəyə səbəb olub.
Hər iki şəxs insan ətinin xüsusi bir dadının olmadığını bildirib. Sadəcə "Yoldaşımın gözlərinin içinə baxa-baxa onun ətini yemək qəribə bir duyğudur" deyə vurğulayıblar.
Baş vermiş bu hadisədən sonra kanal rəhbərliyinə çoxlu şikayətlər gəlib. Kanalın rəhbəri tamaşaçılardan üzr istəyib.