Mütəmadi olaraq mübahisə edən və savaşan cütlüklərin nikahının daha uzunmüddətli və xoşbəxt olma şansı daha çoxdur.
Rusiya KİV-nə istinadən verdiyi məlumata görə, alimlərin araşdırması hər həftə baş verən mübahisənin xoşbəxt nikahın açarı olduğunu göstərib. Amma bir şərtlə ki, bu zaman təhqirlərə yol verilməsin. Təhqir hər iki tərəfin «ürəyini qırır» və sonra onu bərpa etmək çətin olur.
Alimlər bildirirlər ki, problemlərin mübahisə ilə yoluna qoyulması cütlüyə stress atmağa kömək edir. Nəticədə problemin həllinə nail olan zaman hər iki tərəf daha rahat olur.