Termos necə istini isti, soyuğu soyuq tutur?
Tək səbəbi vardır, vakuum. Yəni boşluq. Bir termosda iç-içə keçmiş iki qab vardır. Xaricdəki metal bir qab olub içdəki ümumiyyətlə bir şüşədir. İkisinin arasındakı hava isə boşaldılmışdır. Tam olmasa da istehsalçılar tərəfindən əldə edilə bilən tama yaxın bir boşluq vardır. Vakuumlu bir mühitdə hava molekulları da olmadığından istilik keçirilməz. Cismin istiliyi başlanğıcda nə isə o halda da qalar. İçəridən çölə, çöldən içəriyə istilik keçişi olmaz. Beləcə termosa qoyulan maye istidirsə isti, soyuqdursa soyuq qalar.

Bir həftə nə üçün 7 gündür?
Babillilər 7 gündəlik həftəni zaman vahidi olaraq istifadə edirdilər. İlk çağlarda bilinən beş planet ilə günəş və ayın sayının 7 olması bu ədədi sirrli və uğurlu edirdi. Daha sonra dinlərdə göyün 7 qat olması və təbiətdəki ana rəng sayının 7 olması, musiqi notalarının 7 olması ədədin əhəmiyyətini daha çox ifadə etdi. Daha sonra Fransa təqvim quruluşunu dəyişdirərək həftə sayını 10 gün etdi amma qəbul görmədi. Rusiya 5 gündəlik həftə tətbiqinə keçdi, o da tutulmadı. Sonunda yenə həftə 7 gün olaraq qaldı.

Atəş böcəyi necə işıq saçır?
Əslində bu böcəyin verdiyi işığın odla da istiliklə də bir əlaqəsi yoxdur. Elmi adı «Soyuq İşıq»dır. Bu işıq hadisəsi, molekulyar səviyyədə kimyəvi bir əməliyyatdır. Bəzi molekulların ayrılaraq daha yüksək enerjili hala keçə bildikləri və bu çox enerjini işığa çevirə bildikləridir. Atəş böcəyinin qarın bölgəsindəki işıq orqanından işıq əldə etmədə rol alan iki ana kimyəvi maddə çıxarılmaqdadır. Lakin onlar da tam olaraq işıq verməyə çatmadığı üçün böcəyin işıq bölgəsinə yaxın tənəffüs orqanının işıq vermə anında buranı oksigenlə bəsləməsi lazımdır.

Çinlilərin gözləri nə üçün qıyıqdır?
Tək çinlilərin deyil, Orta və Cənub-şərqi Asiyada yaşayanların, yaponların hətta Eskimoların da gözləri çəkiktir. Əslində göz quruluşu bütün dünyada eynidir. Fərqi yaradan göz qapaqlarıdır. Çəkik gözlü hesab edilən irqlərdə gözün üzərindəki göz qapağının ikinci qıvrımı, gözün üstünə daha çox enmişdir. Bəzi nəzəriyyələrə görə bu qıvrım insanların gözlərini sıx qar yağışlarından, göz qamaşdıran işığından qorumaq üçün bir növ qar gözlüyü kimi inkişaf etmişdir. Çində və o biri bölgələrdə hər nə qədər sıx qar yağmırsa da onların atalarının buzlaq çağında şimalda yaşadıqları daha sonra cənuba endikləri sübut edilmişdir. Tək gözləri deyil, burunları da küləyə qarşı qorunmaq üçün kiçilmiş, burun dəlikləri soyuğa maneə törətmək üçün daralmışdır. Dəriləri də qoruma məqsədli olaraq yağlıdır. Göz qapaqları da yağlıdır. Gözü və iç təbəqələrini quru havaya və buza qarşı qoruyar. Yəni çəkik gözlü deyil, aşağı göz qapaqlı, demək daha doğrudur.