Dünya Təbiəti Mühafizə Fondu olduqca maraqlı layihə hazırlayıb.  Məşhur "Miami Ad School” yaradıcılıq məktəbi ilə əməkdaşlıq çərçivəsində ortaya çıxan layihə xəz-dəri və kürklərdən istifadə edənləri süni məhsullara üstünlük verməyə çağırıb.

Layihə çərçivəsində xüsusi afışalar hazırlanıb. Kağız üzərindəki modelləri geyindirmək üçün afişanın kənarlarına yerləşdirilən tülkü, suiti kimi heyvanların fiqurunu kəsmək lazım gəlir. Hər afişanın altında bir ədəd xəz üçün neçə heyvanın öldürüldüyü ilə bağlı informasiya da yer alıb.

"Arxanda qan ləkəsi buraxmamağa çalış!” şüarı ilə təqdim edilən afişalarda bir ədəd xəz üçün 10‐20 tülkünün, 6‐10 suitinin, 30‐70 susamurunun qətlə yetirildiyi vurğulanıb.