Fevralın 12-də saat 19.30-da Heydər Əliyev adına sarayda «Eurovision 2012» Milli Seçim turlarının final konserti başlayıb. Konsert zamanı Azərbaycanı müsabiqədə təmsil edəcək ifaçının adı açıqlanıb. Belə ki, Azərbaycanı musiqi yarışmasında Səbinə Babayeva təmsil edəcək.
Finalda Orxan Kərimli, Elton İbrahimov, Fəqan Səfərov, Səbinə Babayeva, Arzu İsmayılova yarışırdılar.
Səbinə Babayeva kimdir?
Səbinə Babayeva 2 dekabr 1979-cu ildə anadan olub. 10-12 yaşlarında "Şən notlar" xorunun solisti olub. Məktəbi bitirdikdən sonra Asəf Zeynallı adına musiqi kollecinə daxil və oranı vokal sinfi üzrə bitirib.
İş həyatı üzrə nəalliyyətləri bunlardır:
• 1999-cu ildə musiqi institutları arasında keçirilən "Dalğa" yarışmasında xarici mahnının ən yaxşı ifası nominasiyası üzrə 1-ci mükafatın laureatı;
• "Golden Hit/99″ gənc vokal ifaçıları beynəlxalq müsabiqəsinin laureatı;
• Aqressiya qurbanı olan Günahsız Uşaqların Beynəlxalq Günü və BM proqramı olan Sülh Mədəniyyəti 2000 Beynəlxalq İlinə həsr edilmiş xeyriyyə konsertlərində iştiraka görə diplom;
• İkinci Dünya Müharibəsindən 55 il keçməsi münasibətilə təşkil olunan beynəlxalq fesivalın 1-ci mükafatının laureatı;
• "Qızıl açar 2001″ - ifaçıların respublika müsabiqəsinin 1-ci mükafatının laureatı;
• Latviyada keçirilən "Amberstar 2009″ gənc ifaçıların beynəlxalq müsabiqəsinin qran-prisi;
• "Slavic Star 2009″ adlı gənc ifaçıların beynəlxalq müsabiqəsinin qran-prisi;
• "Bəyaz Həyat" filmində "Röya kimi" soundtrack'in ifaçısı;
• "Notre Dame De Paris" (Fler de Lis) muziklında ifaçı