Bilik öyrənməyi ar bilən hər kəs
Dünyada mərifət qazana bilməz.
 
Çox gözəl olsa da eybi gizlətmək
Dost dostun eybini örtməsin gərək.
 
Acizlik ürəyi ağrıdır, bilsən
Bir alçaqlıq olar hər zülmə dözsən.
 
Dünyada nə qədər kitab var belə
Çalışıb əlləşib gətirdim ələ
Oxudum, oxudum, sonra da vardım
Hər gizli xəznədən bir dürr çıxardım.
 
Bir ürəkdə olmaz iki sevgili
İki ürəklinin düz olmaz dili.
 
İnsana arxadır onun kamalı,
Ağıldır hər kəsin dövləti, malı.
 
Əlində yumşalsa dəmir, onu bil,
Tədbirlə yumşalar, hiddətlə deyil.
 
Sözün qanadları var, quş kimi incə-incə,
Dünyada söz olmasa nəyə gərək düşüncə.