Məlumata görə Harvard Universitetinin tədqiqatçıları canlını gəncləşdirən peyvənd hazırlayıblar.
Təcrübələr
ilk olaraq siçanlar üzərində aparılıb. Beləki, siçanlara əzələləri
cavanlaşdırmaq üçün lazımi kimyəvi preparatlar tətbiq olunub.
İki
yaşındakı siçanlara bir həftə boyunca "gənclik dərmanı” verilməsinin
ardından əzələlərdə cavanlaşma müşahidə olunub. Həmin siçan əzələlərində
olan mitoxondrinin işləməsi, əzələ israfı, iltihab və insulin
müqaviməti baxımından altı aylıq siçanlar kimi görünüblər. Əzələlərdə
görülən dəyişmə dərmanın insanlara tətbiqində sonra da eyni olacağı
bildirilir. Mütəxəssislərin fikrincə bu dərman sayəsində 60 yaşındakı
insan əzələləri 40 il cavanlaşacaq. Təcrübədə əsas olan NAD (nikotinamid
adenin dinukleotid) adlı kimyəvi maddə hüceyrələrdəki keyfiyyətini
zamanla itirə bilər. Bu baxımdan NAD səviyyəsinin artırılması vacib
hesab olunur. Bununla da orqanizmin bəzi hissələri qocalıqdan cavanlığa
doğru dəyişəcək. Alimlər onu da qeyd edirlər ki, təcrübə zamanı əzələ
qüvvətində istənilən nəticə alınmayıb. Lakin, Harvard Tibb Fakültəsindən
Ana Gomes, daha uzun və davamlı müalicənin ardından əzələ gücünün
lazımi səviyyədə olacağına inandığını qeyd edib.