İnsanın qüdrəti

Şərhlər: 2
Baxılıb: 1 888
Səs ver:
(səs: 1)
Qüdrət - həyat sahibinin bir şeyi etməyə ya da tərk etməyə iradəsiylə hakim olduğu sifətdir. Qüdrət - iradə sifətinə təsir edən sifətdir.

Qüdrətin iradə ilə olan əlaqəsi qətidir. Qüdrət iradəylə bir nəticəyə gələr. İradə olmadıqa qüdrət tək başına feil meydana gətirməz. Hərəkətin meydana gəlməsi üçün əvvəl iradə, sonra qüdrət lazımdır.

Lüğətdə gücü çatmaq mənasını verən qüdrət, Allahın sonsuz güc sahibi olması və bütün yaradılmışlara, əzəli təqdirə uyğun olaraq təsir edib qənaətdə olması deməkdir. Allahın gücünün çatmayacağı heç bir şey yoxdur. Çünki qüdrətinin əksi olan acizlik Allah haqqında düşünülə bilməz. Allah üçün "qeyri-mümkün” deyə bir şey yoxdur. Mütləq mənada qadir, tək Odur. Varlıqların qüdrəti, Allahın verdiyi nisbətdə və Onun icazəsi ilə istifadə edilə bilən məhdud bir qüvvətdir.

Allahın qadir adı, Quranda ölçən, biçən, forma verən, təqdir edən, proqramlaşdıran mənalarını verər:

"Biz (nütfədən insan yaratmağa) qadir olduq. Nə gözəl qadir olanlarıq Biz!” mənasındakı ayə buna nümunədir. Göyləri, yerləri, çayları, dağları, gecəni, gündüzü, ayı, günəşi, qısaca, bütün varlıqları nizama qoyan, vəzifələrini proqramlaşdıran Allahdır.

"...O, hər şeyi yaratmış və onu (onun nə cür olacağını) təqdir (əzəldən müəyyən) etmişdir” Allahın hər işi bir ölçüyə və plana görədir.Yenə Qurani-Kərimdə belə buyurulmuşdur: 

"(Yerdə və göydə) elə bir şey yoxdur ki, onun xəzinələri Bizdə olmasın. Lakin Biz onda ancaq müəyyən (lazım olduğu) qədər endiririk. (Onun nə qədər lazım olması isə yalnız Bizə məlumdur). ”Bu ayələrdə Allahın qüdrətindən bəhs edilməkdədir. Hərəkətdən əvvəl lazımlı şərtlər olmazsa, səbəblər uyğun olmazsa, alətlər möhkəm və sağlam olmazsa, edilən əmr və qadağaların bir mənası qalmaz.

Qul yarandığı gündən hər şeyə möhtacdır. Səbəbləri yaradan Allahdır. Bununla birlikdə Allah, şirk qoşmaqdan və səbəblərlə məhdudlaşdırmaqdan, bunların bəzisini digərləri ilə əlaqəli şəkildə təşkil edərək iş görməkdən münəzzəhdir. Allah üstün iradəlidir, hər etdiyi yerindədir. "Onlar yer üzündə (Allahı) aciz qoya (Allahın əzabından qaçıb canlarını qurtara) bilməzlər. Allahdan başqa onların köməyinə çata bilən də (əzabdan xilas etməyə qadir olan da) yoxdur. Onları ikiqat əzab gözləyir. Onlar (haqqı) eşidə bilməz və (onu) görməzlər.”

Qüdrət, Allah tərəfindən qula bir nemət olaraq verilmişdir. Bu qüdrət olmadan insanın heç bir şey edə bilməyəcəyi şübhəsizdir. Bu eynilə gözü olmayan bir adama "Buraya bax” deyə əmr etməyə, yaxud əli olmayan birinə "Əlini uzat” deməyə bənzəyər. Və bir nemət olaraq lazımlı olan qüdrət də bu qüdrətdir...
(səs: 1)
Şərhlər: 2
Baxılıb: 1 888
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri