İslam dini bu cür məsələlərdə əlamətlərə inanmağı qəbul etmir. Ümumiyyətlə, dinimizdə “düşər-düşməz” adlı anlayış yoxdur. Çünki bütün hadisələr Allahın qəzavü-qədəri əsasında, Onun hikmətinə və iradəsinə uyğun olaraq baş verir. Heç bir kənar əlamət Allahın iradəsini pozmağa, qəzavü-qədəri dəyişdirməyə qadir deyil. Bu cür inanclar yalnız mövhumat və xurafatdır. Bununla belə, dinimiz ehtimalla hərəkət etməyi və israf etməyi də bəyənmir. Hamiləlik müddətində uşağın cinsini təyin etmək hazırki texniki avadanlıqlarla həyata keçirilsə də, bu məlumatlar həmişə dəqiq olmur. Ona görə də, doğulacaq uşağın cinsini dəqiq bilmədən paltar almaq məsləhət deyil.