"İkinci beyin"i necə işlədək? - Bu dərmanlardan imtina edin

Müəllif: diablo
Şərhlər: 2
Baxılıb: 1434
Səs ver:
(səs: 0)
Bağırsaqların "ikinci beyin" adlandırılması səbəbsiz deyil, bu orqanın mikroflorası vücudumuzun fəaliyyətinə - həzmdən zehni vəziyyətə qədər bir çox prosesə təsir edir. "Mikrobioma onda yaşayan trilyonlarla mikrobdan ibarətdir: bakteriya, mikroskopik göbələklər, digər mikroorqanizmlər və s".
Qadınla.Com xəbər verir ki, "Be Good To Your Gut" sağlamlıq kitabının müəllifi və qidalanma mütəxəssisi İv Kalinikin sözlərinə görə, vərdişlərimiz və həyat tərzimiz çoxlarının düşündüyündən fərqli olaraq dərhal bağırsaqlara təsir göstərir.

Niderlandlı elm adamlarının son araşdırmaları da göstərib ki, bir çoxumuzun mütəmadi olaraq qəbul etdiyi bu dərmanlar bağırsaqların vəziyyətinə düşündüyümüzdən daha çox təsir edir.
Alimlər həm sağlam, həm də həzm sisteminin müxtəlif növ iltihablarından əziyyət çəkən 1883 nəfərin sağlamlıq vəziyyətini öyrənib. Nəticədə bir çox məşhur dərmanların bağırsaqdakı bakteriya balansını dəyişdirə biləcəyi ortaya çıxıb. Dünyadakı milyonlarla insanın müntəzəm olaraq qəbul etdiyi dərmanlar - yalnız antibiotiklər deyil, həm də bəzi antidepressantlar, laksatiflər, həzmsizliyi müalicə edən dərmanlar, oral steroidlər və metformin (2-ci tip şəkərin və polikistik yumurtalıq sindromunun müalicəsində istifadə olunan maddə.

Bəs bu dərmanlar bağırsaq sağlamlığına necə təsir edir?
Bu dərmanların qəbul edilməsi nəticəsində meydana çıxa biləcək iki problem var: bağırsaq infeksiyası və piylənmə.

Antibiotiklərin bağırsaq mikrobiomasına mənfi təsiri uzun müddətdir ki, məlumdur: pis bakteriyaları öldürməklə yanaşı, yaxşı bakteriyaları da məhv edir.

Kalinik isə digər dərmanların da faydalı mikrobları məhv edə biləcəyini iddia edir:
"Bir çox insanın əks təsirləri haqqında düşünmədən istifadə etdiyi oral kontraseptivlər və steroid olmayan iltihab əleyhinə ipubrofen kimi dərmanlar da bakteriyaların tərkibini dəyişdirə və mikrobiomanı parçalaya bilər. Günümüzdə tez-tez həblərdən sui-istifadə edirik və onların bağırsaqlarımıza necə təsir etdiyi haqqında düşünmürük. Ancaq xoşbəxtlikdən bədənin sağlamlığını gücləndirə və mikroflorasını yaxşı vəziyyətdə saxlaya bilərik".
İv Kalinik bağırsaq sağlamlığının qorunmasının beş sirrini sosial şəbəkədə paylaşıb.

Probiotiklər qəbul edin
Əgər sizə antibiotiklər kursu təyin olunarsa, probiotiklər mikrobiomanın bərpasına kömək edə bilər.

Daha çox lifli tərəvəzlər yeyin
Bağırsağınıza kömək etməyin ilk və ən asan yolu sağlam qidalanmaqdır. Bu vəziyyətdə lifli tərəvəzlər yemək xüsusilə vacibdir. Bu, mikrobiomanın sağlamlığını qorumağa kömək edir. Daha çox tərəvəz, meyvə, taxıl məhsulları, qoz-fındıq və günəbaxan toxumu yemək məsləhətdir.

Kifayət qədər yatın
Tədqiqatlar bağırsaq mikrobiomasının yuxu və zehni vəziyyətin tənzimlənməsinə kömək etdiyini göstərib, odur ki, yuxu nə qədər möhkəm olarsa, işləriniz bir o qədər balanslı olar. Yaxşı yuxu mikrobiomanın güclü qalmasına kömək edir, yuxusuzluq isə mikrobiomanın quruluşunu dəyişdirir. Kalinik, dəqiq yuxu cədvəli və komendant saatı qurmağı məsləhət görür.

Stress səviyyəsini idarə edin
Stressin bağırsaqlara əhəmiyyətli dərəcədə təsir göstərməsi heç kimə təəccüblü deyil: nə qədər çox stress varsa, həzm sistemində və digər xəstəliklərdə iltihablanma şansı daha yüksəkdir. Mütəmadi olaraq meditasiya ilə məşğul olmağı və nəfəs texnikalarını öyrənməyi təklif edirəm.

Daha çox hərəkət edin
Fiziki fəaliyyət yalnız əzələlərin yaxşı vəziyyətdə qalması üçün deyil, həm də bağırsaq mikrobiomasına təsir edən stress hormonlarının ifrazını azaltmaq üçün vacibdir. Elmi tədqiqatlar müntəzəm məşqlərin bağırsaqdakı bakteriya müxtəlifliyini artıra biləcəyini göstərib. Gündəlik hərəkət etməyi məsləhət görürəm, hətta yoqa və ya sadəcə gəzmək də faydalıdır.
(səs: 0)
Şərhlər: 2
Baxılıb: 1434
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Offline
kivircik
Hamisina emel eliyirem,meyve terevez,normal yuxu ve hereket
21 fevral 2020 15:54
2
Az shikayet,chox shukur- seni mutluluga goturur!
Offline
BARBI
Bagirsaq cox onemli orqandir.Hereket edin coxlu meyve terevez yeyin.Bir sozle yazilan qaydalara emel edin
20 fevral 2020 22:48
1
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri