Ev şəraitində adi təbii maddələrdən çox yaxşı və ucuz maye sabun hazırlamaq olar.
Lazım olanlar: - 1 ədəd sadə uşaq sabunu (iysiz) - 1 xörək qaşığı qliserin (apteklərdə satılır) - 5 damcı limon efir yağı (istənilən digər efir yağını istifadə edə bilərsiniz) - 8 xörək qaşığı çobanyastığı
Hazırlanması: 1. Otun üzərinə 8 stəkan qaynar su tökün, vam odda 1-2 dəqiqə ərzində qaynadın, oddan götürün, 1 saat dəmləyin, yaxşı süzün.
2. Sabunu sürtgəcin iri gözündən keçirin, süzülmüş dəmləməyə əlavə edin, odun üzərinə qoyun, qızdırın ki, sabun tam ərisin.
3. Alınmış mayeni soyudun, qliserin əlavə edin, qarışdırın.
4. Efir yağını əlavə edin, yaxşı qarışdırın. Maye sabun hazırdır.