Qazanın dibində yapışmış yemək qaldısa, dibinə karbonat səpib üstünə su əlavə edin. Bir gecə o şəkildə buraxın. Sabahısı gün iki yemək qaşığı sirkə və su əlavə edib bir dəfə daha qaynadın. 10 dəqiqə qədər pıqqıldasın. Yemək artıqları çıxırsa son təmizləməyi edə bilərsiniz.

Qızartma etdikdə mətbəxinizə qoxu yayılmasını istəmirsinizsə, bir qabda sirkəli su qaynadın. Əgər bu əməliyyatı etmədən qızartmanızı etdinizsə, mətbəxdəki

qoxunu aradan qaldırmaq üçün qızartmanın üzərinə dəfnə, ada çayı və kəklik yarpaqları qoyun.

Əmziyin dibində qalan süd və mama qalıqlarını təmizləmək üçün əmziyin içinə bir az kağız dəsmal və ya kağız salfet atıb suyla çalxalayın.

Tər, xüsusilə ipəkli və yunlu geyimlərdə qalıcı ləkələr meydana gətirər. Tez-tez bədənlə təmas edən ipək bir geyimin lifləri zərər görər və pozular. Davamlı tər və bədən yağlarına məruz qalan paltarlarda diqqətə çarpan saralmalar və pis bir qoxu meydana gələr. Ayrıca tər, geyimin boyası ilə reaksiyaya girdiyindən, tər ləkəsini çıxartmaq gücdür. Bunun üçün geyimlərinizi tər ləkələri hopmadan dərhal yumalısınız.

Parlaqlığını itirmiş dolçanıza köhnə parlaqlığını qazandırmaq üçün dolçanın yarısına qədər cırılmış qəzet kağızı doldurun. Dolçanın üçdə biri qədər isti suyu əlavə edib bir müddət çalxalayın. Dolçanızın tərtəmiz olduğunu görəcəksiniz.

Paltarlarınızı yuduqdan sonra əsla maşının qapağını dərhal bağlamayın! Çünki qapağı dərhal bağlamaq, hələ nəmli olan tamburun pis iy verməsinə səbəb ola bilər. Ən yaxşısı maşını qapağını 1-2 saat açıq buraxaraq tamburun hava almasını təmin etmək.

Əllərə hopan balıq qoxusu çox narahat edici ola bilər. Bunu önləmək üçün balıq ayırd etmədən əvvəl əllərinizi limonla ovun, əlinizə heç qoxu hopmaz.

Sarımsaq sıxacağını təmizləmək üçün köhnəlmiş bir diş fırçası istifadə edin. Suyun altında fırçaladığınızda ən çətin çatılan dəlikləri də təmizləməniz mümkün olacaq.

Xalçalar ildə ən az bir, çox lazım olduğu vəziyyətlərdə isə iki dəfə yuyulmalı. Lakin təkrarlanan təmizlik əsnasında yenə ehtiyacınıza bağlı olaraq yalnız səthini silin, xalçanın təmiz qalması və parlaq görünməsi üçün bu kafi olacaq.

Paslanmayan polad qazanınız matlaşsa, bir az sirkəni oda qoyub istilədin. Sonra yumşaq bir bezi ilıq sirkəyə batıraraq yaxşıca ovun. Ardından yaxşıca durulayın.