Tərəvəz və meyvələri sürətlə axan suyun altında yumayın: Tərəvəz və meyvələrin içindəki bəzi vitaminlər suda itir. Sürətli axan su, səthdə oksigen itkisinə səbəb olaraq, yeməklərin qida dəyərini aşağı salır. Eyni şəkildə tərəvəzləri bişirərkən də qazana çox su tökməyin. Tərəvəzləri çox az suda ya da buxarda bişirin.
Tərəvəzləri böyük hissələrə ayırın: Tərəvəzləri kiçik parçalar halında bölmək və ya kəsmək ​​vitamin itkisinə səbəb olur.

Qazanın qapağını bağlı saxlayın: Tərəvəz və meyvələri bişirərkən qazanın qapağını bağlı saxlayın. Beləcə buxar itmir və yeməyin bişmə müddəti qısalır.
Tərəvəz və meyvələri çiy istehlak edin: B və C vitamini kimi vitaminlər istidə itkiyə uğrayır. İspanaq, brokoli, gül kələm, kələm, bamya, badımcan və balqabaq kimi tərəvəzləri ən çox 10 dəqiqə bişirin. Paxla üçün də 20 dəqiqə bişirmə müddəti kafidir.
Tərəvəzlərin bişirmə sularını şorbalara, yeməklərinizə və ya souslara əlavə edərək vitaminlərindən faydalana bilərsiniz

Yeməyə soda əlavə etməyin. Çünki bişirmə əsnasında əlavə olunan soda, tərəvəzlərə daha yaşıl bir rəng qazandırmaqla birlikdə bəzi vitaminlərin itkilərə səbəb olur.
Tərəvəz və meyvələrin qabıqlarını soymayın: Əgər soymaq lazımdırsa mümkün olduğunca incə soyun. Bir çox vitamin və mineral, tərəvəz və meyvələrin qabığında və ya qabığın dərhal altındakı qisimlərində var. Tərəvəz və meyvələrin daxili qisimlərindəki vitamin və mineral sıxlıqları daha az.

Yağları yandırmayın: Yağlar, uzun müddət yüksək istiliyə məruz qalsa, bədən üçün zərərli maddələr (sərbəst radikallar) meydana gəlir. Qidaların yüksək istilikdə qızardılaraq yeyilməsi sağlamlıq baxımından zərərlidir. Ayrıca bu yeməkləri çox qəbul etmək köklüyə səbəb olarkən, ürək-damar xəstəliklərinə tutulma riskini də artırır.
Süd qaynadılarkən şəkər əlavə etməyin. Bişirmə əsnasında əlavə şəkər ilə südün zülal itkisinə səbəb olur.

Qatığın suyunu tökməyin: Qatığın suyunun süzülməsi vitamin B2 (riboflavin) itkisinə səbəb olur. Riboflavin bədəndə əhəmiyyətli funksiyaları olan bir vitamindir