Dalma ilə əlaqədar əasən iki ciddi problem meydana çıxır. Barotravma və dekompressiya xəstəliyi .
AĞCİYƏR BAROTRAVMASI
Dalma zamanı ağciyərlər təzyiqdən büzüşür.Ağciyərlərin daha artıq büzüşməsi barotravmaya səbəb olur.Balonla dalan dalğıc suyun dərinliyində tənəffüs etdiyi havani , suyun səthinə çıxarkən verməlidir.Dalğıc su üzərinə çıxarkən nəfəsini tutursa bu zaman hava emboliyası əmələ gəlir.Ağciyər daxilindəki hava təzyiqi sabit qalsa da , döş qəfəsi üzərindəki xarici təzyiq sürətlə azalır.Ağciyər daxilindəki hava sürətlə genişlənir , alveollar yırtılır.Azad olan hava qabarcıq şəklində qan dövranına qarışır, damarlarda tıxac yaradır - hava emboliyası törədir. Balonsuz dalan dalğıc suyun səthində ağciyərlərini hava ilə doldurub dalar, və yenidən su səthinə çıxarsa nəfəsini tutması hava emboliyası törətməz.
Əlamətlər : Qəfil başlayan və şiddətli yırtılan kimi ağrılar ,öskürəklə ağızdan köpüklü qan gəlməsi , nəbzin və tənəffüsün sürətlı və səthi olması,iflic,göz bəbəklərinin ölçülərinin fərqliliyi.
İlk yardım
ABC kontrol edilərək , davamlılığı tənzimlənir.Təcili xəstəxanaya çatdırılmalıdır.Təcili oksigen (15 litr) verilməlidir.Sol yan tərəfinə , başı bədənə nisbətən aşağı yatırılmalıdır.Serum yeridilməlidir.
VURĞUN - DEKOMPRESSİYA XƏSTƏLİYİ ( CAİSON XƏSTƏLİYİ )
Dalğıc çox miqdarda azot qazının bədəndə əriməsinə səbəb olacaq qədər uzun müddət dənizin dibində qalarsa və ani olaraq su səthinə çıxarsa , bu zaman orqanizm mayelərində çox miqdarda azot qazı qabarcıqları əmələ gəlir.Bu qabarcıqlar damarlarda tıxac yaradır - hava emboliyası törədir.Bu tablo vurğun adlanır.
Əlamətlər : hava emboliyası və vurğun zamanı - Böyük oynaqlarda ağrı (çiyin, dirsək),tənəffüsün çətinləşməsi ,qanın aşağısında ağrı, baş ağrısı,dəridə törəmələr , solğun ləkələr,ödem, sianoz, nitqin çətinləşməsi, şüurun - huşun itməsi, görmədə pozulmaları, başgicəllənmə, keyimə, iflic.
Hava emboliyası və vurğunu ayırd etmək çətindir.Hava emboliyası dalğıc su səthinə çıxan kimi əmələ gəlir, vurğun isə bir neçə saat görülməyə bilər.
İlk yardım
Qəzaya uğrayan dalğıc sudan çıxarılır.ABC kontrol edilir, davamlığı tənzimlənir.Sol yani üstə yatırılır,baş bədənə nisbətən 15 dərəcə aşağıda saxlanır.Xəstəxanaya çatdırılır.Təcili olaraq oskigen verilir.Damara ringer məhlulu və fizioloji məhlul vurulur.