Nə qədər gözəl görünsə də, baxımı çətin olduğundan almağa tərəddüd
edirik bəzən. Üstəlik kirləndiklərində həqiqətən çox pis görünürlər.
Bəyəndiyiniz "zamuj” ayaqqabını almaqdan vaz keçməyin. Çünki palçığa
batmış, islanmış, ləkələnmiş ayaqqabının təmizlənməsi o qədər də çətin
deyil.
Hər istifadədən sonra baxımına əməl etsəniz, aldığınıza peşman olmarsız.
İslanmış "zamuj” ayaqqabınızı günəş görməyən bir otaqda qurumağa qoyun.
Forması pozulmasın deyə içini kağızla doldurun. Quruduqdan sora tel
fırça, ya ayaqqabı fırçası ilə silin. Qalan ləkələri "zamuj” silgisi ilə
silin. Dəri qoruma spreyi vurun. Üstünə yapışan tüklər üçün buxar
istisinə tutun. Buxardan sonra ayaqqabını fırça ilə silin.